Xitay da'iriliri Uyghur élide korona wirusi bilen yuqumlinishning toxtighanliqini élan qildi

Muxbirimiz erkin
2020-11-09
Share

Xitay da'iriliri Uyghur élide korona wirusi yuqumdarlirining bayqilishining toxtighanliqi, 8-noyabir küni rayonda héchqandaq yuqumdar bayqalmighanliqini élan qilghan.

Shinxu'a agéntliqining 9-noyabir xewer qilishiche, Uyghur aptonom rayonluq sehiye komitéti yekshenbe küni rayonda késellik alamiti yoq yuqumdar bayqalmighanliqini bildürgen. Bu xitay sehiye da'irilirining tunji yuqum 24-öktebir qeshqerning konasheher nahiyesi zemin yézisidiki bir karxanida ishleydighan 17 yashliq bir qizda bayqalghan 2 heptidin béri tunji qétim yuqumdar bayqalmighanliqini élan qilishidur.

Lékin közetküchiler xitayning rayondiki yuqum ehwaligha da'ir sanliq melumatlirigha izchil guman bilen qarap kelgen. Shinxu'a agéntliqi buningdin bir kün ilgiri, yeni 7-noyabir küni qeshqerde ikki neper késellik alamiti yoq yuqumdar bayqalghanliqi, yuqumdarlarning karantin'gha élin'ghanliqini bildürgen. Mezkur axbarat agéntliqining tekitlishiche, da'iriler 8-noyabir yekshenbe küni rayondiki resmiy yuqumdarlarni 59 neper, késellik alamiti yoq yuqumdarlarni 306 neper, dep élan qilghan.

Sehiye da'irilirining tekitlishiche, resmiy yuqumdarlarning hemmisi qeshqerde, késellik alamiti yoq yuqumdarlar qeshqer bilen qizilsuda iken. Buning aldida xitayning mu'awin bash ministiri sun chünlen qashqer bilen qizilsuni ziyaret qilip, rayonda yuqumgha qarshi jiddiy tedbirler élin'ghan bolsimu, lékin yuqum weziyitining yenila "Keskin" ikenliki, yuqumgha qarshi "Urush haliti" ni dawamliq saqlashni telep qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet