Sanjidiki hökümet organlirigha bir qétimdila 762 neper xizmetchi xadim qobul qilinishi diqqet qozghidi

Muxbirimiz irade
2021-09-30
Share

Xitayning hökümet awazi bolghan "Shinjang xewerler tori" yéqinda sanji oblastliq hökümet organlirigha jem'iy 762 neper xizmetchi xadim qobul qilidighanliqi heqqide uqturush chiqarghan.

Sanji oblastidin ibaret wilayet derijilik bir memuriy orunning hökümet organlirigha bir qétimdila bunche köp xizmetchi xadim qobul qilinishi közetküchilerning diqqitini qozghidi. Ularning qarishiche, asasliq nopusi xitay we tungganlardin terkib tapqan sanji oblastining hökümet organlirigha bir qétimdila bunche köp adem qobul qilinishi, rayon'gha "Ixtisasliq xadim" we yaki "Pida'iy" dégen namlarda xitay ölkiliridin köchürülüwatqan xitay köchmenlerning alahide köplükidin dérek béridiken.

Uningdin sirt xizmetchi qobul qilish élanida bu nöwet ishqa qobul qilinidighanlargha "Aptonom rayonluq intizam tekshürüsh komitéti, adem küchi bayliqi tarmaqlirining yolyoruqi boyiche oqush tarixi we asasiy qatlamda eng az dégende 8 ay xizmet qilghan bolush dégendek shertler qoshulghandin bashqa yene "Asasiy qanun we qanunlargha ri'aye qilish, partiyening liniyisi, körsetmisi we siyasitini qollash, milliy ittipaqliqni qoghdash, milliy bölgünchilik we qanunsiz diniy pa'aliyetlerge qarshi turush" qatarliq keskin siyasiy teleplermu qoyulghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet