Uyghur aptonom rayonining kuchar teweside 5. 6 Bal yer tewridi

Muxbirimiz erkin
2020-01-17
Share

16‏-Yanwar küni, Uyghur aptonom rayonining kuchar shehri teweside 5. 6 Bal yer tewrigen. Yer tewresh shu yerning waqti sa'et 16:30 etrapida meydan'gha kelgen. Xitay tarqtulirining ashkarilishiche, tewresh chongqurluqi 16 ming métir bolup, tewresh merkizi kuchar sheher rayonigha 78 ming métir kélidiken. Lékin xitay taratqulirida adem ölüsh, yarilinish weqelirining bolmighanliqini ilgiri sürmekte. Közetküchiler, xitay da'irlirining da'im bu xil teb'iy apet yaki yuqumluq késel tarqilish weqelirini “Ijtima'iy muqimliqqa paydisiz” dep qarap közini yumiwalidighanliqi, yaki kichiklitip élan qilidighanliqini ilgiri sürmekte.

“Tengritagh” torining xewer qilishiche, bu qétimqi yer tewreshte hazirgha qeder 71 öyning ziyan'gha uchrighan, 29 jaydiki qorshaw tamgha chek ketken, 3 orundiki qorshaw tam örülüp chüshken. Lékin xewerde yene kuchar shehiri we uning etrapidiki nahiye, sheherlerning tok, su, gaz bilen teminlesh sistémisi, alaqe ishlirining normal kétiwatqanliqi, xelqning turmushi we ishlepchiqirishi dexlige uchrimighanliqini ilgiri sürgen. Bu qétimqi yer tewresh xitay hökümiti Uyghur xelqining öz aldigha teshkillinip, tebi'iy apet yüz bergen rayonlarda xeyr-saxawet ishlirini élip bérishini omumyüzlik chekligen mezgilde yüz bergen. 

Uyghur kishilik hoquq teshkilatlirining ilgiri sürüshiche, xitayning 2017‏-yili bashlan'ghan chong tutqunida nurghun xeyr-saxawetchiler tutqun qilin'ghan. Bu xeyri saxawetchiler qanunsiz i'ane toplash, “Térrorluq” yaki “Esebiylik” ke qutratquluq qilish bilen eyiblinip késiwétilgen. Xitay da'irlirining bu qétim apet rayonidiki xelqlerge konkrét qandaq yardem bériwatqanliqi éniq emes. Muhajirettiki Uyghurlarning bildürüshiche, xitay hökümiti rayondiki uruq-tuqqanlirining chet'el bilen bolghan alaqisini üzüwetkechke ularning ehwali téximu endishe qozghimaqta iken. Lékin, “Tengritagh” torining xewiride, aqsu wilayitining yer tewreshke qarshi 4‏-derijilik tedbir élish buyruqi chüshürgenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet