Ijtima'iy taratqulardiki shikayetler Uyghur rayonidiki yuqum weziyitining éghirliqini ashkarilimaqta

Muxbirimiz irade
2022.09.08
Share on WhatsApp
Share on WhatsApp

Xitayning “Tengritagh tori” qatarliq hökümet taratquliri 8-séntebir tarqatqan xewerge qarighanda, 9-ayning 8-küni sa'et 21:00 giche bolghan ariliqta Uyghur élida yene 22 neper alametsiz yuqumdar köpeygen. Bular ürümchide 8 neper, ghulja shehiride 8, korla shehiride 6 neper iken. Xewerde yene hazirghiche Uyghur élida bayqalghan omumiy alametsiz yuqumdar sani 559 neper, dep körsitilgen.

Xitay hökümet da'iriliri Uyghur élidiki yuqum ehwalining kontrol astigha élin'ghanliqi, yuqumni tézginlesh xizmetlirining tertiplik yürgüzülüwatqanliqini ilgiri sürsimu, biraq xitaydiki ijtima'iy taratqularda barghanséri köpiyiwatqan herxil erz-shikayetler buning eksini sözlimekte. Xitay tarartqulirining 8-séntebirdiki xewiride déyilishiche, Uyghur rayoni, xeynen ölkisi qatarliq jaylarda yuqum weziyiti kontrolluq astigha élin'ghan bolsimu, lékin tibet qatarliq jaylardiki yuqum ehwalini tizginlesh ishliri jiddiy élip bérilmaqtiken.

Bolupmu bir aygha yéqin waqittin béri qattiq qamalda qéliwatqan Uyghurlarning öylirige waqti-waqtida yémek-ichmek teminlenmigenliktin ushshaq bala-chaqilarni öz ichige alghan bir a'ile kishilirining achliq azabi tartiwatqanliqi, hetta bezi künlük ishlep pul tapidighan a'ililerning intayin qimmet bahada sétip bériliwatqan yémekliklerni sétiwélishqa qurbi yetmey ach qéliwatqanliqidek widiyolarning barghanséri köpiyishi, küchlük diqqet qozghimaqta.

Xitay hökümet da'irilirining ahalilerni yuqum mezgilide “Ösek söz tarqatmasliq” heqqide qattiq agahlandurushigha qarimay, awam arisida küsayin köpiyiwatqan dad-shikayetler nöwette qamal astidiki Uyghur a'ililiri duch kéliwatqan zor kölemlik acharchiliqning intayin éghirliqini körsitip béridiken.

Muhajirettiki Uyghur jama'iti bolsa Uyghur élidiki chékidin ashqan bu qamal we Uyghurlar duchar qiliniwatqan bu sün'iy achliqning meqsiti we aqiwitidin jiddiy endishe qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.