Uyghur élidiki yuqum qamali boshitilghan bolsimu, emma yuqumdarlar sanida héchqanche özgirish bolmighan

Yéqinda ürümchidiki 100 kündin ashqan qamal jeryanida yüz bergen ot apitide qattiq qamal tedbirliri sewebidin öyidin qéchip chiqalmighan kishiler hayatidin ayrilghan we bu paji'e ürümchi ahalisining zor naraziliqigha seweb bolghan idi. Da'iriler buning bilen qamal tedbirlirining peydinpey boshitilidighanliqini élan qilip, ahalilerning öyliridin chiqip öz rayonlirida heriket qilishigha yol qoyghan.

“Xitay xewerler tori” we “Bingtu'en tori” qatarliq xitay hökümet taratqulirining Uyghur élidiki yuqum ehwali heqqide élan qilghan uqturushlarda, 6-dékabir küni sa'et 24:00 kiche bolghan ariliqta Uyghur élida yéngidin yuqumlan'ghan alametsiz yuqumdar sanining 400 neper, késellik alamiti bar yuqumdar sanining 6 neper ikinliki, rayondiki omumiy yuqumdarlar sanining mingdin atuq ikenliki bildürülgen.

Halbuki, xitay hökümiti élan qilghan bu reqemlerning ürümchide qattiq qamal yürgüzülüp kishiler ishikining aldighimu chiqalmaywatqan mezgildiki yuqum sanidin köp perqlenmesliki, diqqet qozghimaqta.

Radiyomizgha söz qilghan wilyam ni qatarliq tetqiqatchilar, ilgiri Uyghur élidiki yuqum qamal tedbirlirige alahide diqqet qilinishi lazimliqi, chünki xitay da'irilirining asasliq niyitining ademlerni yuqumdin qoghdash emes, belki qamalni kücheytip kontrolluqni asanlashturush bolushi mumkinlikini éytqan idi.