Pakistanliq mutexessis: "Xitayning shinjanggha séliwatqan mebleghliri bizge ziyanliq"

Muxbirimiz shöhret hoshur
2017-12-20
Élxet
Pikir
Share
Print

Pakistanning "Millet" (The Nation) gézitide maqale élan qilghan mutexessis kamal manno, xitay-pakistan iqtisadiy karidorining, bolupmu xitayning Uyghur aptonom rayonidiki toqumichiliqqa séliwatqan meblighining pakistan shirketliri üchün xewp élip kélidighanliqini ilgiri sürdi.

Xitayning Uyghur aptonom rayonini 2023‏-yiligha qeder katta paxta ishlepchiqirish, toqumichiliq we kiyim-kéchek fabrika bazisigha aylandurush pilanini tilgha alghan aptor buning netijiside bügün'ge qeder adaletsiz riqabet bilen yawropa we amérika shirketlirini qaqshitip kéliwatqan xitay shirketlirining pakistanning bosughisigha kélidighanliqi we pakistan shirketlirining dölet her waqit arqisidin yöleydighan, sodida qanun we tertip tonumaydighan xitay shirketlirige yéngilish éhtimalliqini otturigha qoyghan.

Aptorning bayan qilishiche, dunya soda teshkilati xitayning soda sahesidiki xataliqlirining hemmini nazaret qilish we tüzitishke ülgürmigen. Yawropa birlikimu bu yil ichide mexsus tekshürüsh élip barghan 33 déloning 22 si xitay karxanilirigha chétishliq bolup chiqqan. Kamal manno maqaliside, xitayning Uyghur rayonida paxta we toqumichiliq séliwatqan mebleghlirining köplüki, pakistan toqumichiliq saheside yéqinqi yillarda 30 pirsenttek shirketning taqalghanliqidek ré'alliqini eslitip ötken.

Muhajirettiki Uyghur pa'aliyetchiler, xitayning Uyghur rayonidiki iqtisadiy qurulushining yerlik xelqni weyranchiliqqa uchritishtin bashqa qoshna döletlergimu éghir xewp shekillendüridighanliqini izchil tekitlep kéliwatqan idi.

Toluq bet