Мишел бачелетниң хитай сәпири һарписида һәрқайси пуқравий тәшкилатлар өз тәлипини оттуриға қойди

Мухбиримиз әзиз
2022-04-19
Share

Бирләшкән дөләтләр тәшкилати (б д т) кишилик һоқуқ алий кеңишиниң рәиси мишел бачелет май ейида хитай сәпиригә маңидиған болуп йеқинда уйғурлар, тибәтләр, хитайлар, хоңкоңлуқлар қатарлиқларниң 70 нәччә пуқравий тәшкилати коллектип мәктуп тәйярлап, өзлириниң бу қетимқи сәпәр һәққидики тәләплирини йәткүзди.

Дуня уйғур қурултийи (д у қ) ниң тор бетидә инглизчә вә хитайчә елан қилинған бу очуқ мәктупта хитай һөкүмитиниң уйғур дияридики қирғинчилиқ қилмишлири алаһидә әскәртилиш билән биргә мәзкур кеңәш тәйярлап чиққан уйғур дияри һәққидики доклатни сәпәрдин илгири елан қилиш, һәрқайси милләтләрниң тәшкилатлири билән учришип уларниң пикирлирини аңлап беқиш, шуниңдәк бу қетимқи сәпәр вә тәкшүрүшниң рәсмийәтчилик болуп қалмаслиқиға кепиллик қилиш қатарлиқларни тәләп қилған.

Дуня уйғур қурултийиниң рәиси долқун әйса бу һәқтә сөз қилип “мишел бачелет хитай сәпиридин илгири уйғур тәшкилатлири билән көрүшүши, шуниңдәк шәрқий түркистандики қирғинчилиқ һәққидә шаһитларниң баянлирини аңлап беқиши лазим. Чүнки бу зулумларға учриғучи хәлқ топи билән учришиш улар алдин ойлишидиған мәсилиләрдин болуши лазим” дегән.

Нөвәттә мишел бачелетниң бу қетимқи хитай сәпириниң нәтиҗисиз ахирлишидиғанлиқи һәққидә түрлүк пикирләр оттуриға чиқиватқан болуп, хитай һөкүмитиму буниң пәқәт “зиярәт” болидиғанлиқини алаһидә тәкитләп кәлмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт