Uyghurlar chet'el muxbirlirigha öz dertlirini éytishni xalimidi

Muxbirimiz ümidwar
2017-12-31
Élxet
Pikir
Share
Print

Rusiyening "Islam xewerliri" dep atalghan uchur agéntliqining yézishiche, Uyghur diyaridiki Uyghur musulmanliri chet'el muxbirlirigha özlirige qarita xitay kommunistik tüzümi teripidin kéliwatqan teqibleshler heqqide sözleshtin özlirini qachurghan.

Bu xewer ottura asiyada rus tilida tarqitilidighan "Uyghur todey" toridimu élan qilin'ghan bolup, xewerdin melum bolushiche, yéqinda Uyghur diyarida ziyarette bolghan pakistanliq muxbir wasim abbasi özining Uyghur diyarini ziyaret qilish jeryanida Uyghurlar bilen sözliship, ularning ehwali heqqide qarashlirini igileshke tirishqan bolsimu, biraq qorqup ketken Uyghurlar uning bilen sözlishishini ret qilghanliqi, hetta uning bilen sözlishishni xalighan ikki yash Uyghurmu rast gepni qilishtin özini qachurghanliqini yazghan.

Bu pakistanliq zhurnalist mezkur kishilerning özliri duch kéliwatqan heqiqiy ehwal heqqide sozlimigenlikining sewebini körsitishke tirishqan bolup, u ürümchi kochilirida köp sandiki saqchilarning da'im charlaydighanliqi, kochilarning pat-patla tosuwétilidighanliqi, hetta meschitlerdimu bixeterlik xadimlirining barliqi we bashqilarni yazghan.

"Islam xewerliri" agéntliqining yézishiche, mezkur pakistanliq zhurnalist özining ürümchi kochisida nechche onlighan Uyghur bilen sözlishishke tirishqan bolsimu, biraq ular uning telipini tekellup bilen ret qilghanliqi we söz témisini özgertkenlikini we yaki bolmisa, "Hemmisi yaxshi" depla jawab bergenlikini bayan qilghan.

Toluq bet