Uyghur aptonom rayonidiki aliy mekteplerning ilmiy atmosférasini qoyuq siyasiy teshwiqat hawasi qaplimaqtiken

Uyghur aptonom rayonluq ittipaq komitétining toridin melum bolushiche, yéqindin buyan Uyghur élidiki aliy mekteplerning ilmiy atmosférasini qoyuq siyasiy teshwiqat hawasi qaplashqa bashlighan.

Mezkur tor bettin melum bolushiche, yéqinqi bir ay mabeynide shinjang uniwérsitéti, shinjang tébbiy uniwérsitéti, qeshqer uniwérstitéti, Uyghur tébabet aliy téxnikomi, ili pédagogika instituti, ürümchi kespiy uniwérsitéti qatarliq nurghun aliy mekteplerde atalmish “Milletler ittipaqi” we “Yash markisizmchilar” témisi boyiche nutuq sözlesh, edebiyat-sen'et nomurliri körsitish pa'aliyetliri uyushturulghan.

Ili pédagogika instituti qatarliq aliy mektepler yene qerellik halda “Yash markisizmchilarni terbiyelesh kursi” échip, aliy mektep oqughuchilirining derstin sirtqiy pa'aliyetlirini pütünley dégüdek siyasiy teshwiqat yönilishige yétekligen.

Melumki, aliy mektep hayati yash istudéntlarda hör we erkin pikirler qanat yayidighan bir sehne bolup, Uyghur élidiki aliy bilim yurtlirida hetta bügünki kündimu qoyuq siyasiy atmosféraning höküm sürüshi közetkchilerni endishige salmaqtiken.