Özbékistan öz bazisini gérmaniyening dawamliq ishlitishige ruxset qildi

Muxbirimiz ümidwar
2015.02.01


Özbékistan hökümiti afghanistan chégrasidiki térméz shehiridiki ayrodromni gérmaniyening dawamliq ijare élishigha maqul boldi.

Perghane uchur torining xewer qilishiche, bu heqte 30 - yanwar küni gérmaniyening özbékistanda turushluq elchisi naytxart xyo'ér - wising bildürüsh élan qilghan. U sözide :“Biz xelq'araliq birleshme küchlerning afghanistan'gha kirishi bilen teng bashlan'ghan hemkarliq, yeni ayrodromni ijarige élish möhlitini uzattuq. Hazir, bu xizmetni dawamlashturuwatimiz, men ishinimenki, bu, ikki terep üchün paydiliq bolup qalidu”.

Xewerde éytilishiche, axbarat wasitiliri mezkur ayrodromini ijarige élish möhlitini uzartish kélishimi 2014 - yili noyabirda meydan'gha chiqqan bolsimu, emma téxi resmiy bildürüsh élan qilinmighan idi.

Gérmaniye térméz ayrodromini 2001 - yilining axiridin bashlap ishletken. 2010 - Yili, ikki terep yéngi kélishim imzalighan bolup, kélishimning waqti 2014 - yili 31 - dékabirda toshatti.

Bu heqte b b s agéntliqimu uchur tarqatqan bolup, hazir gérmaniye nato ezaliri ichidiki birdin - bir özbékistanda bazisi bar döletke aylan'ghan. Hetta, 2005 - yilidiki enjan weqeside tashkent gherb döletliri bilen bolghan munasiwitini yirikleshtürgende amérika oz bazisini taqighan bolsimu, biraq tashkent gérmaniyening dawamliq turushigha maqul bolghan idi.

Kélishim boyiche térméz bazisida gérmaniyening 300 eskiri turghuzulghan idi. Gérmaniye terep bu jeryanlarda térméz ayrodromini zamaniwilashturush üchün 12 milyon yawro chiqim qilghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.