Özbékistan we xitay arxé'ologliri birlikte qedimi sheher xarabisini qazdi

Muxbirimiz ümidwar
2017-01-15
Share

Xitay bilen özbékistan arxé'ologliri birliship, perghane wadisidiki qedimki sheher xarabisida arxé'ologiyilik qézish élip barghan.

Ottura asiya torining bu heqtiki uchuridin melum bolushiche, ikki dölet arxé'ologliri perghane wadisining ozbékistan tewesige jaylashqan qismidiki mingtöpe shehiri xarabisida qézish élip barghan bolup, ikki el alimliri hemkarliqni 2012-yilidin étibaren dawamlashturup kelmekte.

Sheher xarabisini qézish we chiqqan buyumlarni tetqiq qilish arqiliq alimlar mingtöpediki bu qedimki sheherning 2000 yillar ilgiri peqet waqitliq herbiy mudapi'e qorghini bolupla qalmastin belki yene, eyni waqittiki chong sheherlerning biri bolghanliqini békitken.

Ular xarabidin sheher derwazisi, ichki qel'e, qebristanliq, tashqi sheher sépili, hünerwenchilik nuqtisi we bashqilarning izlirini tapqan.

Bu tetqiqatqa qatnashqan xitay terep mutexessisi özbékistan arxé'ologlirining sheher xarabisining yer üstidiki qismi bilen yaxshi tonush ikenlikini, xitay tetqiqatchilirining bolsa xarabining yer astidiki qismigha kop köch chiqarghanliqini bildürgen,

Mingtöpe enjan shehirige yéqin orun'gha jaylashqan bolup, bu jaylar qedimki tarixi menbelerde qeyt qilin'ghan dawen dölitining zéminliridur. Xitay tarixi menbeliride xatirilishiche,miladiyidin ilgiriki 104-99-yilliri arisida gherbiy xen sulalisi bilen dawen döliti arisida urush partlighan bolup, gherbiy xen sulalisi générali li gu'angli bu dölettin samawi atlarni qolgha chüshürüsh üchün tajawuz qilip barghan bolsimu, emma deslepte qattiq meghlup bolghan, kéyinki qétimliq urushlar netijiside ikki terep arisida sülhi tüzülgen idi.

Bu qétimqi ikki dölet alimlirining arxé'ologiyilik qézishliri qedimki dawen döliti heqqidiki tetqiqatlarni kücheytish rolini oynaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet