Özbékistan tashqi ishlar ministirliqi Uyghur tutquni hesenjan qarining mesilisige arilishishni ret qilghan

Özbékistan tashqi ishlar ministirliqi xitay lagéridiki Uyghur tutquni hesenjan qarining mesilisige arilishishni ret qilghan. Ularning tekitlishiche, ikki dölet munasiwiti we bu mesilining xitayning ichki ishi ikenlikini közde tutqanda uninggha özbékistanning arilishish hoquqi yoq iken. Hesenjan qarining özbékistan grazhdani bolghan ayali gülshen ablimitowna ilgiri özbékistan tashqi ishlar ministirliqigha xet yézip, xitay da'iriliri teripidin tutqun qilin'ghan yoldishining iz-dérikini qilip bérishni telep qilghan.

Özbékistan tashqi ishlar ministirliqi hesenjan qarining alaqidar da'iriler teripidin “Qayta terbiyelesh” lagérida tutup turuluwatqanliqi, lékin özbékistanning uninggha arilishalmaydighanliqini bildürgen. Ularning tekitlishiche, gülshen ablimitowna hesenjanning ayali bolush süpitide biwasite xitayning alaqidar da'irilirige iltimas qilishi kérek iken. Hesenjan qari atush shehirining süntagh yézisi, süntagh kenitidin bolup, u 2017-yili tutqun qilin'ghan.

“Twéttir” da élan qilin'ghan bu heqtiki höjjetlerde, uning “Térrorluq teshkilatigha qatnishish” ,“Diniy radikalliqtin paydilinip, qanun'gha buzghunchiliq qilish” bilen eyiblinip 14 yil 6 ayliq késilgenliki, uning 2019-yili 7-ayning 24-küni bingtu'en 3-déwiziyesining tumshuq shehiridiki türmisige yötkep kélin'genliki qeyt qilin'ghan. Özbékistan xitayning muhim istratégiyelik shériki bolup, u b d t da xitayning xelq'arada” irqiy qirghinchiliq” dep eyiblinip kéliwatqan Uyghur élidiki siyasitini qollighanidi.