D u q: “Wolkiswagén shirkiti mejburiy emgek amilini toluq tekshürüshi lazim!”

Washin'gtondin muxbirimiz eziz teyyarlidi
2024.05.29

Dunya aptomobil sahesidiki namdar markilardin bolghan “Wolkéswagén” shirkitining 2024-yilliq yighini 29-may küni chaqirilghan bolup, dunya Uyghur qurultiyi (d u q), “Tehdit astidiki milletler teshkilati” qatarliqlar ularni özlirining teminlesh zenjiridiki mejburiy emgek halqisini tepsiliy tekshürüshke chaqirghan.

D u q ning tor bétide élan qilin'ghan bayanatta “Wolkéswagén shirkitining Uyghur qirghinchiliqini körmigen'ge sélip Uyghur diyarida zawutlirini dawamliq mangdurushini hergizmu qobul qilghili bolmaydu. Chünki sherqiy türkistandiki qirghinchiliq zor derijide mejburiy emgek bilen baghlinishliq, bular bolsa wolkéswagénning teminlesh zenjiride mewjut” déyilidu. Shuningdek ürümchi we turpan sheherliridiki zawutlarning téxiche taqalmastin bir xilda ishlepchiqirish bilen shughulliniwatqanliqi eskertilidu. D u q ning bérlindiki mes'uli gheyur qurban bu heqte toxtilip “Wolkéswagén shirkiti özlirining teminlesh zenjiri heqqide jezmen ochuq-ashkara ish qilishi kérek” dégen.

Derweqe shéfféyld xallam uniwérsitéti 2022-yili dékabirda élan qilghan bu heqtiki mexsus doklatta körsitilishiche, gherb dunyasidiki aptomobil sana'iti éghir derijide xitaydiki teminlesh zenjirige baghlinip qalghan. Bolupmu polat tawlash, alyumin we mis zapchaslarni ishlesh, bataréye yasash, chaq ishlepchiqirish qatarliq éghir bulghinish peyda qilidighan sahelerde Uyghur mejburiy emgiki köplep ishlitiliwatqan bolup, gherb aptomobil sana'itining teminlesh zenjiridiki bu halqa izchil dunyaning diqqitide bolup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.