Мәбләғ салғучи гуруппилар волкисвагени уйғур мәҗбурий әмгикини ишләткәнлики үчүн тәнқид қилған

Вашингтондин мухбиримиз уйғар тәйярлиди
2024.02.27

Японийәниң  “асия иқтисад хәвәрлири” (Nikkei Asia) гезитиниң 2024-йили 2-айниң 22-күнидики хәвиригә асасланғанда, германийәниң даңлиқ аптомобил ширкити волкисвагенниң (Volkswagen) уйғур мәҗбурий әмгики билән биваситә четишлиқ икәнлики түпәйли  мәбләғ салғучи гуруппилар вә ширкәтләр волкисвагенни тәнқид қилған вә уйғур елидики тармақ ширкитигә  аит болған пайчекини сетиветишини тәләп қилған.

Мәзкур хәвәрдә дейилишичә,  волкисвагенниң франкфурт пай чеки 2022-йили 11-айниң бешидин башлап  2024-йили 2-айниң 21- күнигә қәдәр %13  чүшкән.

  Волкисваген аптомобил ишләпчиқириш гуруһи узундин буян уйғур мәҗбурий әмгики сәвәблик әйиблинип кәлгән. Әмма волкисваген өзлириниң уйғур мәҗбурий әмгики билән һечқандақ мунасивити йоқлиғини илгири сүрүп, үрүмчидики завутини тақашни рәт қилған вә хитайдики тиҗаритини бурунқидәкла давамлаштурғаниди.

2024-Йили 2-айниң 13-күни, коммунизм қурбанлири хатирә фондиниң алий тәтқиқатчиси доктор адриян зензниң уйғур мәҗбурий әмгики һәққидики йеңи тәтқиқат нәтиҗиси җәймистовн фонди (Jamestown Foundation) торида елан қилинған болуп, униңда волкисвагенниң уйғур мәҗбурий әмгики билән биваситә четишлиқ икәнлики ашкариланғаниди.

  Волкисвагенниң уйғур мәҗбурий әмгики билән биваситә четишлиқ икәнлики ашкариланғандин кейин, дуня уйғур қурултийи баянат елан қилип, волкисвагенни шәрқий түркистандин чиқип кетишкә чақирған, елан қилған баянатта мундақ дейилгәниди:  “волкисваген узундин буян уйғурларниң кишилик һоқуқ дәпсәндичиликигә четишлиқ икәнликини инкар қилди вә мәсулийәттин өзини қачуруп кәлди. Лекин, доктор адриян зенз волкисвагенниң уйғур мәҗбурий әмгики билән четишлиқ икәнликини дәлилләр билән испатлиди. Бу, волкисвагенниң шәрқий түркистандин чекиниши үчүн бурулуш нуқтиси болуши керәк.”

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.