Wol-sitrét diréktorliri xitayning herbiy ighwagerchiliki we kishilik hoquq depsendichilikige yardem qilghan

Muxbirimiz jewlan
2022.12.08

“Foks xewerliri” tori 8-dikabir élan qilghan bir maqaliside wol-strét kochisining xitaydiki zulumgha yardem bergenlikini eyblep: “Eger ular heqiqeten muhit, jem'iyet we hökümet bilen hemkarlishish ishlirigha köngül bölgen bolsa, xitaydiki kishilik hoquq depsendichiliki, irqiy qirghinchiliq we herbiy ighwagerchilikni körmeske sélip, pul tépish bilenla bolup ketmeytti” dégen.

Maqalide körsitilishiche, wol-strét kochisidiki ikki chong shirket —qaratash (BlackRock)  bilen j p morgan (JPMorgan) ning diréktorliri “Dawamliq meblegh sélish” ni teshebbus qilghuchilar bolup, yéqinqi yillardin buyan ular “Muhit, jem'iyet we hökümet bilen hemkarlishish fondi” tesis qilip, uninggha nechche on milyard dollar meblegh salghan, 2017-yildin béri bu fondning qimmiti 300 milyard dollargha yéqinlashqan.

Emma qaratash shirkiti ötken yili meblegh salghuchilargha xitaygha salghan meblighini üch hesse ashurush teklipini bergen bolup, xitaygha uzun muddetlik meblegh sélishning paydisini teshwiq qilghan. Yeni bu shirket xitay kompartiyesini bay qilish bedilige uningdin nep élish yoligha mangghan.

Maqalide mundaq déyilgen: “Amérika dölet mejlisi we amérika xelqining emdi bu aldamchiliqning heqiqiy yüzini, yeni bu shirketlerning xitay kompartiyesige meblegh mangduruwatqanliqini tonup yétidighan waqti keldi. Bu qilmish xitayning téximu zamaniwiy we xeterlik armiye qurup, teywen'ge tehdit sélishigha yardem béripla qalmay, amérikaning dölet xewpsizlikige apet keltüridu, shundaqla amérikaning xitaydiki teminlesh zenjirige bolghan béqindiliqini azaytish tirishchanliqini yoq qilidu”.    

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.