Вашингтон путинниң чирикләшкәнликини илгири сүрди, москва испат тәләп қилди

Мухбиримиз шөһрәт һошур
2016.01.26

Америка малийә министирлиқиниң ембаргоға мәсул бир хадими өткән һәптә б б с ниң зияритини қобул қилған чеғида русийә президенти виладимир путинниң чирикләшкәнликини вә униң чириклик әһвалини хели йиллардин бери билидиғанлиқини илгири сүргән.

Москва баянатчиси бүгүнки ахбарат елан қилиш йиғинида бу һәқтә тохтилип мәзкур хәвәрни типик бир мәсулийәтсиз ахбарат делоси дегән вә ақсарайни дегәнлири үчүн испат көрситишкә чақирған.

Ақсарайниң алақидар хадими өткән һәптидики сөзидә путинниң енергийә саһәсигә йошурун шәкилдә мәбләғ селиватқанлиқини, дөләт байлиқини йеқинлири вә иттипақдашлириниң қолиға тутқузуп уларниң бейишиға пурсәт яритип бериватқанлиқини вә өзиму байлиқ топлаватқанлиқини баян қилған.

Русийә қиримни ишғал қилғандин кейин, америка кремлинниң бир қисим әмәлдарлириға иқтисадий җаза қолланған болсиму, әмма путинниң исмини ениқ һалда тилға алмиған. Б б с ниң бүгүнки бу һәқтики хәвиридә баян қилинишичә, путин б б с мухбириниң бу темидики зияритини қобул қилмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.