Америка пайтәхти вашингтонда хитай һөкүмитигә қарши зор көләмлик намайиш өткүзүлди

Мухбиримиз ирадә
2020-10-01
Share
washington-namayish-1-oktebir.jpg Америка пайтәхти вашингтонда хитай һөкүмитигә қарши өткүзүлгән зор көләмлик намайишта хатирә сүрәт. 2020-Йили 1-өктәбир, вашингтон.
RFA

10-Айниң 1-күни йәни хитайниң дөләт байрими күни дуняниң һәрқайси җайлирида «хитай компартийәсигә қарши туруш хәлқарави намайиши» өткүзүлди. Уйғурлар, тибәтләр, җәнубий моңғулийәликләр, шундақла хоңкоң, тәйвән вә хитай демократлириниң ортақлишиши билән өткүзүлгән бу зор көләмлик намайиш дуняниң һәрқайси җайлиридики 60 тин артуқ шәһәрдә өткүзүлди.

Америка пайтәхти вашинтгтондики намайиш америка дөләт мәҗлис бинаси алдидики чоң мәйданда интайин дағдуғилиқ өткүзүлди. Намайишта америка дөләт мәҗлис әзалири, уйғур, тибәт вә моңғул қатарлиқ намайишчи амма вәкиллири сөз қилди.

Намайиш мәйданидики уйғур намайишчилар корладики пойиз истансидин намәлум ичкири хитай өлкисигә көзлири бағланған, пут-қоллири кишәнләнгән һалда йөткәп меңилған уйғур мәһбусларға охшаш көк рәңлик мәһбус кийимлирини кийишип, алаһидә диққәт қозғиди. Намайиш мәйданида йәнә уйғурларниң бешиға келиватқан лагерға қамилиш, қейин-қистақ, мәдәнийәт ассимилятсийәси қатарлиқ зулумлар намайишчиларниң сәһниләштүрүши билән җанлиқ һалда йорутуп берилди.

Нәччә йүзлигән киши қатнашқан бу намайиш арқилиқ дуня миқясидики һөкүмәтләр уйғурларға йүргүзүлүватқан ирқий қирғинчилиқни тохтитиш вә хитайниң зулумини аяғлаштуруш үчүн техиму күчлүк вә мас қәдәмдә һәрикәт қилишқа чақирилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.