“Washn'giton pochtisi” : amérika rusiye bilen xitaygha teng qarshi turalaydu

Muxbirimiz jewlan
2022.08.05
Share on WhatsApp
Share on WhatsApp

Uzundin buyan kishilerde “Rusiye bilen xitay küchlinip ketti, amérika ularning her ikkisige taqabil turup bolalmaydu” deydighan qarash höküm sürüp kéliwatqanidi. 4-Awghust küni “Washn'gton pochtisi” gézitide élan qilin'ghan bir maqalide yuqiriqi qarashning xata ikenliki otturigha qoyulghan.

Maqalide mundaq déyilgen: “Bu hepte amérika héchqandaq jeng qozghimayla xitay bilen rusiyege tengla taqabil turalaydighanliqini, belki her qandaq jengde ghalip kélidighanliqini körsetti. Netijide amérikada ‛rusiyeni qoyup xitaygha qarshi turush kérek‚ deydighan jumhuriyetchiler bilen, ‛xitayni qoyup rusiyege qarshi turush kérek‚ deydighan démokratchilarning talishidighan yéri qalmidi, chünki hazir her ikkisige qarshi turuwatimiz”.

Amérika jumhuriyetchiler partiyesidin bolghan kéngesh palata ezasi téd kruz (Ted Cruz) natoni kéngeytish toghriliq awaz bérish aldida mundaq dégen: “Biz dunyaning bashqa jayliridin chékinish arqiliq xitaygha zerbe bermeymiz, belki ulargha ittipaqdashlirimiz bilen birliship zerbe bérimiz”.

Maqalide éytilishiche, “Amérika rusiyening tajawuzchiliqi bilen xitayning tajawuzchiliqi otturisida birni tallishi kérek” dégen pikir qarimaqqa toghridek körünsimu, emeliyette amérika hazir rusiye bilen xitaydek ikki mustebit döletning öz'ara birlishiwélishidek weziyetke duch kelgen bolup, kelgüsidiki küresh amérika bashchiliqidiki gherb elliri bilen rusiye-xitay ittipaqi, démokratiye bilen mustebitlik, heqqaniyet bilen zulum otturisidiki küresh bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.