Питир наварро:» ‹вухән вируси' американиң хитайға қаратқан җаза тәдбирлирини тохтитип қалалмайду»

Мухбиримиз ирадә
2020-01-30
Елхәт
Пикир
Share
Принт

Ақсарайниң иқтисад мәслиһәтчиси питир наварро американиң хитайға қойған содидики җаза тәдбирлириниң хитай иқтисади «вухән вируси» сәвәбидин чекингән тәқдирдиму изчил давам қилидиғанлиқини тәкитлиди.

Америкадики «CNBC» телевизийәсиниң хәвәр қилишичә, америка сода саһәсидә әгәр хитайниң иқтисади «вухән вируси» сәвәбидин зиянға учриған тәқдирдә, американиң хитайға қойған сода җаза тәдбирлирини бикар қилидиғанлиқи һәққидә хәвәрләр тарқалған. Бирақ америка ақсарайниң иқтисадий ишлар мәслиһәтчиси питир наварро буни рәт қилди.

У «CNBC» телевизийәсиниң бу һәқтики соалға җаваб берип: «бу вал-стрит пай чеки базиридин тарқалған гәп. Улар бундақ бир еһтималлиқни муназиригә қоюш арқилиқ киризискә пайдисиз вәзийәт пәйда қиливатиду,» дегән.

Питир наварро американиң хитайға қойған җаза тәдбирлирини бикар қилмайдиғанлиқини тәкитләп: «биз бу җаза тәдбирлириниң немә үчүн қоюлғанлиқини унтуп қалмайли, бу тәдбирләр хитай өзиниң дөләт карханилирини қоллаш арқилиқ америка шеркәтлири вә америка әмгәкчилирини тиҗарәттин мәһрум қилғанлиқи үчүн қоюлған,» дегән.

Америка-хитай арисидики сода уруши башланғандин буян һәр икки тәрәп бир-бириниң маллириға милярдларчә доллар қиммитидә таможна беҗи қойған. 15-январ күни америка-хитай арисида «биринчи басқучлуқ сода келишими» имзалинип, киризисни һәл қилишқа тунҗи қәдәмни алған. Бирақ бу келишимдә американиң хитай маллириға қойған җаза тәдбирлирини бикар қилиш һәққидики маддилар орун алмиған.

Пикирләр (0)
Share
Толуқ бәт