Amérikaning Uyghur rayoni, tibet, xongkong, teywen ishlirigha munasiwetlik 2021-yilliq xam chot layihesi xitayning qarshiliqini qozghighan

Xitay "Yer shari waqit géziti" ning 30-dékabirdiki xewirige qarighanda, xitay xelq qurultiyi tashqiy ishlar komitéti seyshenbe küni bayanat élan qilip, amérikaning Uyghur rayoni, tibet, xongkong, teywen ishlirigha munasiwetlik xam chot layihesini eybligen hemde uninggha qarshi turidighanliqini bildürgen.

Melumatlargha qarighanda, amérika prézidénti donald tramp yekshenbe küni amérika hökümitining 2021-yilliq xam chot layihesige imza qoyghan bolup, hökümetning korona wirusidin qutulush yardem pulini qoshqanda, omumiy xam chot sommisi 2 tirilyon 300 milyard dollargha yétidiken. Bu xam chot layihesi soda, edliye, pen-téxnika, dölet mudapiyesi, pul-mu'amile, dölet bixeterliki qatarliq sahelerge chétilidighan bolup, buning ichide Uyghur rayoni, tibet, xongkong, teywen'ge alaqidar xam chot hésabimu bar iken, biraq buning qanchilik miqdarda ikenliki xewerlerde ashkarilanmighan.

Xitay her da'im Uyghur rayoni we tibetke munasiwetlik ishlarni "Bizning ichkiy ishimiz" dep kéliwatqan bolup, xitay xelq qurultiyining bayanatidimu, amérikaning yenila xitay bilen qandaqtur "Soghuq munasiwetler urushi" qiliwatqanliqi, xitayning ichkiy ishlirigha ariliship, uning dölet menpe'etige éghir ziyan séliwatqanliqi, jümlidin xitayning Uyghur rayoni bilen tibetning muqimliqi we tereqqiyati üchün körsitiwatqan tirishchanliqini körmeske sélip uninggha "Töhmet" qiliwatqanliqi eyblen'gen, shundaqla Uyghur rayoni bilen tibetning iqtisad we ijtima'iy tereqqiyatta zor netijilerni qolgha keltürgenliki, xelq turmushining yaxshilan'ghanliqi dégendek kona sepsetilirini bazargha salghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar