Xitayning xangju shehiride partlash yüz bérip 2 kishi öldi, 55 kishi yarilandi

Muxbirimiz erkin
2017-07-21
Share

21‏-Iyul küni xitayning xangju shehiride etigenlik nashta waqtida partlash yüz bérip, 2 kishi ölgen, 55 adem yarilan'ghan. Partlash xangju shehirining sherqidiki bir rayonda meydan'gha kelgen.

Birleshme agéntliqining xewer qilishiche, yerlik da'iriler 12 kishining éghir yarilan'ghanliqini bildürgen. Xitayning shinxu'a agéntliqi partlashning bir réstoranda yüz bergenlikini, partlashni réstorandiki suyuqlandurulghan gaz tungi partlap kétip keltürüp chiqarghanliqini bildürgen bolsimu, biraq yerlik da'iriler partlashning sewebini dawamliq tekshürüwatqanliqini qeyt qilghan.

Partlash yüz bergen réstoran yaki dukan jaylashqan kochining töwen teripidiki bir bixeterlik kamérasi tartiwalghan körünüshtin melum bolushiche, partlash küchlük ot yalquni we qoyuq chang-tozan peyda qilip, étilip chiqqan parche-purat nersiler etrapni qaplighan. Partlash yüz bergen jayning etrapidiki nurghun bina we aptomobil, aptobus qatarliq qatnash eslihelirining dérizilirini kukum talghan qiliwetken. Shinxu'a agnétliqi, weqede ölgenlerning yoldin ötüwatqan kishiler ikenlikini bildürgen.

Roytérs agéntliqining bildürüshiche, xitayda partlash we bashqa her xil qaza-hadisilerge uning bixeterlik qa'ide-tüzümidiki ajizliq seweb bolidiken. Xangjudiki partlash xitay dölet kabinéti memliketlik bixeter ishlepchiqirish téléfon yighini chaqirip bir kündin kéyin yüz berdi. 20‏-Iyul chaqirilghan téléfon yighinigha Uyghur aptonom rayonining re'isi shöhret zakir qatnashqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet