Amérika xelq'ara diniy erkinlik komitéti: "Xitayning b d t meslihetchiler komitétigha tallan'ghanliqidin ghezeplenduq"

Muxbirimiz erkin
2020-04-10
Share

Amérika xelq'ara diniy erkinlik komitéti 9-aprél bayanat élan qilip, xitayning b d t kishilik hoquq kéngishining meslihetchiler komitétigha tallan'ghanliqidin ghezeplen'genlikini bildürgen.

Mezkur komitétining qoshma re'isi gériy béyurning tekitlishiche, xitaydek dunyada diniy erkinlik we insan heqlirini eng éghir depsende qiliwatqan bir döletning "B d t kishilik hoquq kéngishining musteqil kishilik hoquq mutexessislirini békitishide héchqandaq tesiri bolmasliqi kérek," iken. B d t kishilik hoquq kéngishige eza döletlerning asiya guruppisi yéqinda xitayni kishilik hoquq kéngishining 5 kishilik meslihetchiler komitétigha tallighan.

Xitayning bu orun'gha tallinishi kishilik hoquq teshkilatlirining qattiq naraziliqini qozghighan. Ular xitayning bu orundin paydilinip, musteqil kishilik hoquq tekshürgüchilirini békitishke tesir qilidighanliqi, xelq'ara jem'iyetning Uyghur rayonidiki lagérlarni tekshürüp, 3 milyondek Uyghurning aqiwitini sürüshtürüshige kashila peyda qilidighanliqini tekitligen idi. Bayanatta yene amérika xelq'ara diniy erkinlik komitétining qoshma re'isi tenzin dorji "Amérika hökümitining b d t kishilik hoquq méxanizmi bilen bolghan alaqini kücheytip, xitay hökümitining yaman tesirige taqabil turushi" ni telep qilghan.

Bayanatta tekitlinishiche, amérika diniy erkinlik komitéti özining 2019-yilliq doklatida tramp hökümitini "Magnétiskiy yer shari kishilik hoquq qanuni", "Xelq'ara diniy erkinlik qanuni" da uninggha bérilgen hoquqqa asasen kishilik hoquqni depsende qiliwatqan xitay emeldarlirigha, bolupmu Uyghur aptonom rayonluq partkomning sékrétari chén chüen'gogha qarita nishanliq émbargo qoyushqa chaqirghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet