Xelq'ara diniy erkinlik aliy kéngishide Uyghur mejburiy emgikining aldini élish mesilisi muhakime qilindi

Washin'gtondin muxbirimiz uyghar teyyarlidi
2024.01.30

30-Yanwar amérika paytexti washin'gtonda bashlan'ghan 2024-yilliq xelq'ara diniy erkinlik aliy kéngishide Uyghur mejburiy emgikining aldini élish qanunini ijra qilish we kolléktip mes'uliyet mesilisi mexsus muhakime qilindi.

Bu muhim yighinda, Uyghur kishilik hoquq qurulushining tetqiqatchisi juliye milsap (Julie (Julie Millsap, xitay istratégiyelik riqabet alahide komitétining xadimi jeyk parkér (Jake Parker) , amérika dölet mejlisi xitay ishliri ijra'iye komitétining mu'awin mudiri tod steyin (Todd Stein) we amérika jumhuriyetchi awam palata ezasi kiris simis (Chris Smith) amérikada Uyghur mejburiy emgikining aldini élish qanunini ijra qilish ehwali we buningdiki mes'uliyet qatarliq mesililer heqqide sözligen. Shuning bilen bir waqitta Uyghur mejburiy emgikining aldini élish qanuni yolgha qoyulghandin kéyin qolgha kelgen netijiler, bu qanunni yolgha quyush jeryanida otturigha chiqqan qiyinchiliqlar we teklip pikirler otturigha qoyulghan.

 Amérika tamozhna we chégra qoghdash idarisining bashliqi jo'anné kolonéllo (JoAnne Colonnello) ning tonushturushiche, “Uyghur mejburiy emgikining aldini élish qanuni” amérika tamozhna we chégra qoghdash idarisi, ana weten bixeterliki ministirliqi, tashqi ishlar ministirliqining barliq bölümliri, amérika dölet mejlisi qatarliq munasiwetlik organlarning hemkarliqi we öz'ara küchlük yardimi bilen ijra qilinidiken.

 Amérika pirézidénti jow baydén imza qoyghan mezkur “Uyghur mejburiy emgikining aldini élish qanuni” 2022-yili 21-iyundin bashlap resmiy ijra qilinishqa bashlighanidi. Mezkur qanun'gha asasen Uyghur rayonida ishlepchiqirilip, amérikagha import qilinidighan her qandaq mehsulatning Uyghur mejburiy emgiki bilen chétishliqi yoqluqi qayil qilarliq deliller bilen ispatlanmighuche, amérika bazirigha kérishi cheklinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.