Uyghur teshkilatliri xelq'ara emgek teshkilatigha ochuq mektup yollidi

Muhajirettiki Uyghur teshkilatliridin Uyghur kishilik hoquq qurulushi, Uyghur amérika birleshmisi we dunya Uyghur qurultiyi qatarliqlar 10-noyabir küni xelq'ara emgek teshkilatigha ochuq mektup yollidi. Mektupta mezkur teshkilatning bash diréktori gay raydir Uyghurlarni mejburiy emgekke sélish qilmishini eyibleshke chaqirildi.

Uyghur kishilik hoquq qurulushining diréktori ömer qanat bu heqte söz qilip: “Uyghurlar hazir xelq'ara emgek teshkilatining Uyghurlarni mejburiy emgekke sélish qilmishi heqqide lam-jim démestin sükütte turushining sewebini jiddiy sorimaqta” dédi. Dunya Uyghur qurultiyining re'isi dolqun eysa bolsa “Emgekchilerning heqlirini qoghdash üchün tesis qilin'ghan bundaq bir teshkilatning Uyghurlarni mejburiy emgekke sélishqa bu qeder süküt qilishi peqetla qamlashmighan ish” dédi.

Mektupta xitay hökümitining xelq'ara emgek teshkilati ehdinamisige imza qoyghanliqi eskertilish bilen birge xitay hökümitining mejburiy emgekni cheklesh mejburiyiti barliqi, emma nöwette shunche köp pakitlar xitay hökümitining Uyghurlarni mejburiy emgekke séliwatqanliqini körsitiwatqanliqi tilgha élinip, ularning bu mesilide emdi dawamliq sükütte turiwalmasliqqa chaqirdi.