Xelq'ara jinayi ishlar sot mehkimisi xitayning Uyghurlargha tutqan mu'amilisini tekshürüshke chaqirildi

Muxbirimiz erkin
2022.06.24
Share on WhatsApp
Share on WhatsApp

Xelq'ara adwokatlar bu hepte xelq'ara jinayi ishlar sot mehkimisige yéngi delillerni sunup, xitayning Uyghur we bashqa türkiy musulman xelqlerge tutqan mu'amilisi üstidin tekshürüsh élip bérishqa chaqirghan. “Amérika awazi” ning xewer qilishiche, sürgündiki Uyghur guruppilirigha wekillik qilidighan adwokatlar 20-iyun, yeni düshünbe küni xelq'ara jinayi ishlar sot mehkimisige “Béyjingning xelq'ara jinayi ishlar sot mehkimisige eza ellerni öz ichige alghan qoshna döletler we bashqa jaylardiki Uyghurlarni mejburiy (xitaygha) qayturup ketkenliki” ge a'it yéngi delillerni sun'ghan.

Yétekchi adwokat rodnéy dikson “Amérika awazi” radiyosigha élxet arqiliq ewetken bayanatida, “Bu, ular tutup turush lagérlirigha yollan'ghandin kéyin ulargha néme ‍ishlarning bolghanliqini intayin échinishliq rewishte körsitip béridu,” digen. Xewerde éytilishiche, bu erz xelq'ara adwokatlarning xelq'ara jinayi ishlar sotigha buningdin ikki yil ilgiri sun'ghan deslepki erzidin buyanqi 3-qétimliq erzi iken. Adwokatlar, xelq'ara jinay ishlar sotigha tunji qétim 2020-yili 6-ayda erz sun'ghan. Ikkinchi qétim 2021-yili 10-ayda, axirqi qétim ötken düshünbe küni, yeni 20-iyun qoshumche delillerni tapshurghan iken.

“Amérika awazi” ning éytishiche, adwokatlar tunji erzni sun'ghanda xelq'ara jinayi ishlar sotining teptishliri xitayning xelq'ara jinayy ishlar sotigha eza emeslikini bahane qilip, sotning délo turghuzalmaydighanliqini éytqan. Biraq adwokatlarning axiriqi qétim sun'ghan matériyalliri xitaygha qayturulghan “Bir shahittin élin'ghan birinchi qol delil-‍spat” ni öz ichige alidiken. Xewerde bu shahitning ismi tilghan élinmighan bolsimu, lékin uning xitaygha qayturulghandin kéyin, 2018-yili xitaydin qéchip qichip chiqishtin burun lagérgha qamalghanliqi, uning so'al-soraq we qiyin-qistaqqa uchrighanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet