Xitayning dunyani “Ongda qoyush” bedilige payda almaqchi bolushi tenqidlendi

Amérika bilen xitay otturisidiki soda urushi resmiy bashlan'ghandin buyan bu heqtiki mulahiziler herqaysi metbu'atlarda köplep yer almaqta.

Emma amérika prézidénti donald trampning soda ishliridiki bash meslihetchisi pitér nawarro 19-iyul küni CNBC téléwiziye qanilida élan qilin'ghan bu heqtiki muhakimide söz qilip: “Xitay nöwette pütkül dunyani ongda qoyup, dunyaning qoldin bérip qoyghini hésabigha özini semritmekte. Biz öz menpe'etimizni qoghdimisaq bolmaydighan basquchqa öttuq” dégen.

Nawarroning pikriche, amérika nöwette özining teqlidiy eqil we bashqa yuqiri pen-téxnika sahesidiki muweppeqiyetlirini qoghdishi, xitayning bu “Loq gösh” lerni bikarning ornida yewélishidin saqlinish charilirini tépip chiqishi lazim iken. Yene kélip, xitay hazir pütkül dunyani ziyan'gha uchritish hésabigha zoraymaqta iken.

Nawarro nuqtiliq qilip xitayning eqliy mülük oghriliq qilmishining yalghuz amérikinila emes, pütkül dunyani ziyan'gha uchritiwatqanliqini, buning bilen eqliy mülük we téxnika bayliqining oghriliniwatqanliqini alahide tekitligen hemde: “Xitay emdilikte bizning tajimizdiki merwayitqa qol uzitiwatidu” dégen.

Melum bolushiche, alaqidar zatlar xitayning hélihem xelq'ara barar we soda mizanlirigha emel qilish niyitining yoqluqini körsetken bolup, amérika hökümitini bu heqte texir qilmasliqqa ündesh sadaliri kücheymekte iken.