Ши җинпиңниң өмүрлүк орнини капаләткә игә қилидиған асасий қанун түзүтилмиси күчкә игә болди

Икки һәптидин буян хәлқара мәтбуатлар вә көзәткүчиләрниң диққәт нәзиридин орун елип келиватқан хитайниң асасий қануниға түзитиш киргүзүп, дөләт рәисиниң вәзипә өтәш қетим сани вә вақтиниң чәклимигә учримаслиқини күчкә игә қилиш 11-март күни хитай хәлқ қурултийида рәсмий қарардин өтти.

Йәкшәнбә күни, йәни 11-март күни хитай хәлқ қурултийиниң йиғинида хитай хәлқ җумһурийити асасий қануниға түзитиш киргүзүш лайиһисини қобул қилиш һәққидә беләт ташлаш елип берилип, 2958 қоллаш белити билән бу қанун лайиһиси рәсмий қобул қилинған. Буниңда аран иккила қарши беләт вә үч өз һоқуқидин ваз кечиш белити болған. 

Б б с агентлиқиниң хәвәр қилишичә, нәтиҗидә, дөләт рәисиниң вәзипә өтәш қетим сани икки қетимдин ашмаслиқи керәк, дегән мадда рәсмий түрдә асасий қанундин чиқириветилгән. 

Хитай компартийисиниң авази- "хәлқ гезити" бу мунасивәт билән баш мақалә елан қилип, мәзкур маддини чиқириветишни ақлап, буниң мәқситиниң "өмүрлүк вәзипә өтәш түзүми үчүн әмәслики" ни билдүргән болсиму, бирақ ши җинпиңниң қолға кәлтүргән нәтиҗилирини юқири дәриҗидә мәдһийилигән. 

Әмма, хәлқаралиқ көзәткүчиләр, җүмлидин хитай мәсилилири көзәткүчилири хитай асасий қануниға өзгәртиш киргүзүшниң өзи әмәлийәттә ши җинпиңниң мустәбитлики, һакиммутләқлиқи вә өмүрлүк һоқуқ тутуш йолиға меңишини қанунлаштуруш дәп қаримақта.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар