Америка, японийә, җәнубий корейә рәһбәрлири б д т ни шималий корейәгә қарши қаттиқ тәдбир елишқа чақирди

Мухбиримиз әркин
2017.07.07

Америка, японийә, җәнубий корейә җүмә күни б д т хәвпсизлик кеңишини тез арида қарар мақуллап, шималий корейәгә қарши йеңи ембарго тәдбирлирини елишқа чақирған.

Германийәниң һамбург шәһиридә 20 гуруһиниң башлиқлар йиғиниға қатнишиватқан америка президенти доналд трамп, японийә баш вәзири шинзу абе вә җәнубий корейә президенти мун җеин җүмә күни көрүшкән. 3 Дөләт рәһбири көрүшүштин кейин ортақ баянат елан қилип, б д т хәвпсизлик кеңишини шималий корейәгә қарши йеңи ембарго қарари чиқиришқа һәйдәкчилик қилиш һәққидә ортақ пикир һасил қилғанлиқини билдүргән.

Баянатта, хәлқара җәмийәтни б д т ниң қарарлирини тез, қаттиқ вә толуқ иҗра қилишқа, тәдбир қоллинип, шималий корейә билән болған иқтисади мунасивәткә чәклимә қоюшқа чақирған. Бирақ ройтерс агентлиқиниң билдүрүшичә, хәвпсизлик кеңиши, қалған икки даимий әза русийә билән хитайни қайил қилиш мәсилисигә дуч келидикән. Шималий корейә сәйшәнбә күни қитәләр ара башқурулидиған бомба синиқи елип берип, америка вә униң шәрқий шимали асиядики японийә, җәнубий корейә қатарлиқ иттипақдашлириниң җиддий һошярлиқини қозғиған. 

Трамп һөкүмити зөрүр тепилса қорал күчи ишлитишкә тәйярлиқини билдүргән болсиму, бирақ йәнила мәсилиниң дипломатик йоллирини издәйдиғанлиқини билдүргән иди. Хитай шималий корейәниң әң чоң сода шерики. У шималий корейәниң башқурулидиған бомба синиқиға қарита тәрәпләрни өзини тутувелишқа чақирип, шималий корейә сәвәблик өзиниң имбаргоға учришини халимайдиғанлиқини ипадилигән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.