Shendungdiki ximiye zawutidiki partlash weqeside bir adem öldi

Muxbirimiz méhriban
2015-09-01
Share

Xitayning tyenjin portida aldinqi ayda yüz bergen ximiyilik eshyalar iskilatidiki zor partlash weqesi tekshürülüwatqan mezgilde, düshenbe küni shendung ölkisi dungying shehiridiki ximiye zawutida yene partlash weqesining yüz bérishi diqqet qozghidi.

Xitayning hökümet taratquliri bu heqtiki xewiride, partlashning 31-awghust düshenbe tün nispide yüz bergenlikini, partlashtin kélip chiqqan otning 1-séntebir seherde öchürüwélin'ghanliqini, partlashta bir ademning ölgenlikini xewer qildi.

Radi'omiz igiligen ehwallardin melum bolushiche, bu qétimqi partlash shendung ölkiside yéqinda yüz bergen 2-qétimliq ximiye zawutidiki partlash weqesi. Aldinqi qétimliq partlash 22-awghust kéchide xéngtey nahiyisidiki ximiyiwi eshya zawutta yüz bérip, 1 adem ölgen, 9 adem yarilan'ghan. Melum bolushiche, shendungda yüz bergen ikki qétimliq partlash tiyenjin portida yüz bergen ximiyiwi eshyalar ambiridiki partlashtin kéyin bolghini üchün, taratqularning jiddiy diqqitini tartqan. Xitay da'iriliri 1 - séntebir bergen melumatida tyenjindiki partlashta ölgenler sanining 159 ge yetkenlikini xewer qilghan we tyenjindiki partlashta ölgüchiler sani 1400 din artuq dep xewer tarqatqan 100 nechche kishining ösek söz tarqitish jinayiti bilen eyiblinip tutqun qilin'ghanliqini xewer qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet