Sanjidiki bir ximiye zawutida partlash yüz bergen

Muxbirimiz irade
2017-07-27
Élxet
Pikir
Share
Print

Xitay xewerler torining xewirige qarighanda, peyshenbe küni sanjidiki bir ximiye zawutida partlash yüz bérip 1 adem ölgen, 31 adem yarilan'ghan.

Yerlik da'iriler bu heqtiki bayanatida, zawuttiki ishchilar turubilarda meshghulat qiliwatqanda yuqiri bésimliq gaz chiqip kétip partlashqa seweb bolghanliqini, weqening shu yer waqti chüshtin kéyin sa'et 7:00 de yüz bergenlikini bildürgen.

Melum bolushiche, yarilan'ghan 31 kishi ichide 18 nepirining yarisi éghir iken. Da'iriler partlash üstide ilgirilep tekshürüsh élip bériwatqanliqini bildürgen.

Sanjidiki bu partlash weqesi we uning sewebi bashqa musteqil xelq'ara metbu'atlar teripidin téxi delillenmidi.

Xitay hökümiti xitayda yüz bergen tebi'iy apetler yaki yuqiridikige oxshash partlash weqelirining tepsilati heqqidiki xewerlergimu cheklime qoyidighan bolup, apet rayonliri we yaki weqe meydanlirigha axbaratchilarning, bolupmu chet'el axbaratchilirining kirishi cheklinip kelgen. Buning eng tipik misalliri 2011-yili yüz bergen wénju téz sür'etlik poyiz weqesi we 2015-yili tyenjinde yüz bergen zor partlash weqesi qatarliqlardur.

Toluq bet