Ichkiri xitaydiki "Shinjang toluq ottura sinipliri"ning mes'ul xadimlirini terbiyelesh kursi échildi

Muxbirimiz ümidwar
2017-05-14
Élxet
Pikir
Share
Print

Yéqindin buyan Uyghur aptonom rayoni da'irilirining atalmish "Üch xil küch"ler we "Ikki yüzlimichiler"ge qarshi küreshni téximu kücheytish heriketliri ewji éliwatqan bu künlerde yene ichkiri xitay sheherliridiki "Shinjang toluq ottura sinipliri"da oquwatqan oqughuchilargha qaratqan idiyewi terbiyeni kücheytishmu jiddi küntertipte turmaqta.

Melum bolushiche, 11-may küni ürümchide xitay ma'arip ministirliki bilen Uyghur aptonom rayonining birlikte uyushturushida "Ichkiridiki shinjang toluq ottura siniplirining exlaq terbiyesi we idiyewi-siyasi terbiyesi boyiche mexsus terbiyelesh kursi" oqush bashlighan.

Mezkur terbiyelesh kursigha pütün xitay boyiche 14 ölkidiki mexsus "Shinjang toluq ottura sinipliri" échiwatqan 100 din artuq mektepning rehberliri,bashqurush we idiyewi xizmet ishlirigha mes'ul xadimliridin 114 adem qatnashqan.

Bu kursta Uyghur diyarining omumi ehwali, muqimliq we tereqqiyat ehwali, diniy we milliy siyaset hem bashqa köp tereplerdin ders bérilidiken.

"Xitay uchur tori"diki xewerde mezkur kursni échishtiki meqsetning yéqinqi waqitlardin buyan "Chégra ichi-sirtidiki < üch xil küchler>ning idé'ologiye saheside oqughuchilargha qarita singip kirishidin ibaret éghir weziyette, her qaysi mekteplerning mes'uliyet we zörüriye tuyghusini ashurush"ikenliki körsitilgen.

Emma, inkaslardin melum bolushiche, ichkiri xitayda oquwatqan Uyghur oqughuchilar arisida öz ana tili, milli örp-adetliri we dini étiqadini saqlap qélish we uningdin pexirlinish pikirliri hem teshebbuslirimu mewjut bolup, oqughuchilarning ata-aniliri öz perzentlirining öz milli kimliki we ana tilini saqlap qélishini ümid qilidiken.

Toluq bet