Xitay adwokatliri xelq qurultiyini b d t kishilik hoquq ehdinamisini tézrek testiqlashqa chaqirdi

Xitaydiki 100 din artuq kishilik hoquq adwokati seyshenbe küni chaqiriqname élan qilip, xitay memliketlik xelq qurultiyini b d t ning “Wetendashliq hoquqi we siyasiy heqler ehdinamisi” ni tézrek testiqlashqa chaqirdi.

Chaqiriqnamide bildürüshiche, junggo buningdin 15 yil awwal mezkur xelq'ara ehdinamige imza qoyghan bolsimu, biraq ehdinamini testiqlashni hazirgha qeder kéchiktürüp kelgen. 2013‏-Emeldarlarning mal-mülkini ashkarilashni telep qilghan puqralarni, sot mehkimiside aqlighuchiliq qilghan adwokatlarni, torda hökümetni tenqid qilghuchilarni tutqun qilish we urush weqeliri dawamliq sadir bolghan.

Uyghur kishilik hoquq erziyet ishlirigha ariliship, xitayning Uyghur élidiki basturush heriketlirini qanunsizliq bilen tenqidlep kelgen béyjingliq adwokat jyang tyenyungning bildürüshiche, 2013‏-yili asasi kishilik hoquqqa, b d t wetendashliq hoquqi we siyasiy heqler ehdinamisige chétishliq nurghun weqe yüz bergen. Jyang tyenyung burun xitay da'irilirining ürümchi “5‏-Iyul weqesi”de qolgha élin'ghan Uyghurlargha achqan sotini tenqidlep, sotning qanun tertipke pütünley xilap ikenlikini bildürgen idi.

Mezkur chaqiriqnamige imza qoyghan jéjyangliq adwokat wang chén mundaq dégen: her qandaq bir dölettiki puqralarning siyasiy hoquqi we bashqa hoquqliri bir pütünlükke ige. Eger siyasiy hoquq bolmisa, bashqa héchqandaq hoquq kapaletke ige bolmaydu.