Нопузлуқ адвокат хитайни демократик ислаһат елип беришқа чақирди

Мухбиримиз җүмә
2017.09.09

У, хетидә өзиниң мәзкур хети үчүн йәнә қолға елиништин әнсирәйдиғанлиқи, униңсизму һәммәйләнниң қамаққа елинмиған һаләттиму йәнила түрмә һаятини бешидин кәчүрүватқанлиқини билдүргән.

Хитайдики нопузлуқ кишилик һоқуқ адвокати хитай рәһбәрлиригә очуқ хәт елан қилип, уларни демократик ислаһат елип беришқа вә түрмидики сиясий мәһбусларни қуюп беришкә чақирди.

Шйе йәнйи исимлик бу адвокат йеқида хитай рәиси ши җинпиң вә хитай сиясий бюросиға йолланған очуқ хетидә демократик кәлгүсиниң хитай үчүн бирдин бир чиқиш йоли икәнликини көрсәткән.

Радиойимизниң хәвәр қилишичә, шйе хетидә мәйли юқири дәриҗилик рәһбәрләр вә яки өз сәпдашлири болмисун, һәммәйләнниң дөлитигә яманлиқ тилимәйдиғанлиқини көрсәткән вә: “биз диктаторлиқтин мәдәнийәткә қарап силҗишини халаймиз” дегән.

У йәнә хетидә хитай даирилириниң хитайдики кишилик һоқуқ адвокатлири вә һөкүмәткә тәвә болмиған тәшкилатларға қарши бир суйиқәст пиланлиғанлиқини язған һәмдә адвокатларниң тән җазасиға учриғанлиқини илгири сүргән.

У хетидә зор миқдарда пулниң хитайдин сиртқа еқиватқанлиқини, хитай мәркизий парткомниң 200 дин артуқ әзасиниң чәтәл паспорти барлиқини көрсәткән.

У мундақ дегән: “мустәбит зәрдар вә сәрхилләр қорқмақта һәмдә улар черикликини йошуруш үчүн интернетни узундин буян қаттиқ тәқиб қилип кәлди. Чүнки улар хитай хәлқиниң һәқиқәтни билип қелишини халимайду.”

2015-Йилидин буян хитайда кишилик һоқуқ адвокатлириға қаритилған бастуруш һәссиләп күчәйгән. Әйни чағда 200 дин артуқ адвокат тутулуп, 20 нәччиси җазаға тартилғанлиқи хәвәр қилинған.

Мәлум болушичә, шйе йәнйиму шу йили июлда тутулған вә 2016-йили январда капаләткә қоюп берилгән икән.

У, хетидә өзиниң мәзкур хети үчүн йәнә қолға елиништин әнсирәйдиғанлиқи, униңсизму һәммәйләнниң қамаққа елинмиған һаләттиму йәнила түрмә һаятини бешидин кәчүрүватқанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.