Мутәхәссис җәймс дорсәй хитайниң таҗикистан вә афғанистан чеграсидин бәкрәк әндишә қилидиғанлиқини илгири сүргән

Мухбиримиз шөһрәт һошур
2018-07-24
Елхәт
Пикир
Share
Принт

Һиндистандики «Countercurrents.org» Намлиқ бир тәтқиқат орниниң тор бетидә елан қилинған хитайниң бихәтәрлик җәһәттики диққәт нуқтиси һәққидә тохталған бир мақалида баян қилинишичә, хитай нөвәттә сүрийәдин афғанистанға чекингән уйғур қораллиқлиридин хатирҗәмсиз икән.

Оттура шәрқ мутәхәссиси җәймис дорсәйниң бу мақалисидә дейилишичә, хитайниң бихәтәрлик җәһәттики диққәт нуқтиси афғанистан вә таҗикистан чегралириға бәкрәк мәркәзләшкән. Бундақ болушиға сүрийәдики урушта ислам дөлити тәшкилати аҗизлашқандин кейин, у йәрдики уйғур қораллиқ күчлириниң афғанистан вә пакистанға чекиниши сәвәб болған. Мақалида хитайниң 50 милярд доллар мәбләғ аҗритилған хитай-пакистан иқтисадий каридори қурулушиниң бихәтәрликидин әндишә қилип пакистан, афғанистан вә таҗикистан билән бихәтәрлик җәһәттики һәмкарлиқини барғансери күчәйтиватқанлиқи илгири сүрүлгән. Мақалида йәнә хитайниң афғанистан чеграсидин бәкрәк, таҗикистан чеграсидин әндишә қилидиғанлиқи, чүнки афғанистан билән чеграси пәқәт 75 километир узунлуқта болса таҗикистан билән 400 нәччә километир узунлуқта икәнлики әскәртип өтүлгән. Мақалида дейилишичә, хитай оттура асияда дәврләрдин бери тинчлиқ йоли билән һәрикәт елип бериватқан уйғур паалийәтчилириниң уйғур райониға көрситидиған тәсирини тосушниму бихәтәрлик тәдбирлириниң муһим бир тәркибигә киргүзгән.

Толуқ бәт