Хитай америкиға қарши оқ өтмәс кийим сетивалидиғанлиқи ейтти

Мухбиримиз нуриман
2020-02-26
Share

Хитай «тәйвәнниң бөлгүнчилики вә америкиниң қутратқулуқ һәрикити» гә қарши 1. 4 Милйон кишилик оқ өтмәс кийим сетивалидиғанлиқи ейтти.

«Йәршари вақит гезити» 23-февралдики хәвиридә мундақ дегән: «хитай азадлиқ армийәси өзиниң уруш һазирлиқини ашурушқа, бәлки тәйвәнниң бөлгүнчилики вә американиң қутратқулуқ һәрикити кәлтүрүп чиқириши мумкин болған һәрбий тоқунушларға тақабил турушқа тиришчанлиқ көрситиватқан мәзгилдә азадлиқ армийәси 1. 4 Милйон кишилик әла сүпәтлик оқ өтмәс кийим сетивелиш пиланини елан қилди.»

Хәвәргә қариғанда, хитай армийәси бу кийимләр үчүн кәлгүси икки йил ичидә 13 милярд йүән чиқим қилишқа тәйярлиқ қилған.

Хәвәрдә нәқил қилишичә, хитай һәрбий ишлар тәтқиқатчиси вә анализчи соң җоңпиң, хитай армийәси техиму көп һәқиқий уруш дәриҗисидики маневирларни өткүзүшни пиланлаватқан болуп, әскәрләр мудапиә кийимини уруш вақтидикидәк даим кийип йүридиғанлиқини ейтқан.

Хитайниң дөләт ичидики һәрбий ишларға қизиққучилар иҗтимаий таратқулардики инкаслирида, бу мудапиә кийимлири тәйвән мустәқилчилири вә америкадики қоллиғучилириға қарши уруш еһтималлиқи үчүн қилинған тәйярлиқ, дәп пәрәз қилишмақта.

Улар йәнә, мудапиә кийиминиң иқтидари бир қанчә йилда өтүп кетидиғанлиқи, хитайниң қисқа вақит ичидә бу кийимләрни тәйярлашқа башлишидин тәйвән мустәқилчилири вә иттипақдашлириға қарши урушниң мушу бир икки йилда йүз бериш мумкинчиликидин дерәк беридиғанлиқини егири сүрүшкән.

Америка дөләт мудапиә министири марк әспер мюнхен бихәтәрлик йиғинида сөз қилип, хитайниң дуняға тәһдит икәнлики, хәлқара җәмийәтниң уйқусини ичиши керәкликини тәкитлигән. 

Марк әспер йәнә хитайниң өз армийәсини 2035-йилиғичә заманивилаштурушни тамамлап, 2049-йилиғичә дунядики алдинқи қатарда туридиған һәрбий күчкә игә болидиғанлиқи вә қошна әллиригә тәһдит болидиғанлиқини тилға алған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.