Xitay hökümiti amérika muxbirigha wiza bérishni ret qildi

Muxbirimiz eziz
2019-06-19
Share

Xitay hökümiti yéqinda firansiye xewer agéntliqining dangliq muxbirliridin bésaniy ibrahimiyan tapshurghan wiza iltimasini ret qilghan hemde ulargha bashqa muxbir ewetishni uqturghan.

"Bazfid xewerliri" torida 18-iyun élan qilin'ghan bu heqtiki maqalida bésaniyning wiza iltimasigha birleshtürgen halda bu heqtiki ehwallarning mahiyette "Xitay kompartiyisining tenqidchilerdin intiqam élishi" ikenliki körsitilgen.

Maqalida éytilishiche, washin'gtondiki amérikaliq muxbir bésaniyning ötken yili tapshurghan wiza iltimasi yéqinda namelum sewebler tüpeylidin ret qilin'ghan. Bésaniy bolsa bu heqte söz bolghanda "Shübhisizki, bu xitay hökümitining men yazghan xewerlerdin rahetsiz bolghanliqini körsitidu. Chünki ular del xitay kompartiyisi yoshurup kelgen ehwallar idi," dégen. 

Melum bolushiche, bésaniy ötken bir nechche yilda izchil xitaydiki nazuk témilar heqqide xewer we maqaliler yézip kelgen. Bolupmu uning "Xitaydin chiqqan salman rashid: perhat tursun we uning edebiy ijadiyiti" qatarliq bir qisim maqaliliride xitay kompartiyisi wasitilik yaki biwasite halda tenqidlen'gen. Ötken birnechche yilda fransiyelik muxbir ursula goytér, roytérs agéntliqining muxbiri pa'ul munéy, bazfid agéntliqining muxbiri méxa rajagopalan qatarliqlar bu xildiki tenqid tüpeylidin xitay kompartiyisining "Öch élishi" duch kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet