Хитай американиң «шинҗаң тәдбирлири» гә қарши 4 нәпәр америка сиясийони вә әмәлдариниң хитайғқ киришини чәклиди

Мухбиримиз әркин
2020-07-13
Елхәт
Пикир
Share
Принт

Хитай һөкүмити 13-июл күни американиң йеқинда елан қилған уйғур дияридики кишилик һоқуқ дәпсәнчиликигә алақидар «җазалаш тәдбирлири» гә қарши өч елип, американиң 3 нәпәр сиясийони вә бир нәпәр әмәлдариға ембарго йүргүзидиғанлиқини елан қилди.

Хитай ташқи ишлар министирлиқиниң билдүрүшичә, америка кеңәш палата әзаси марко рубийо, тед круз, авам палата әзаси кристофер симит вә америка һөкүмитиниң диний әркинлик алаһидә баш әлчиси сам бровенбек қатарлиқ төтәйләнниң хитайға кириши чәкләнгән.

Бу кишиләр хитай һөкүмитиниң 3 милйондәк мусулманни лагерларға қамап, уйғурларни бастуруши, уларниң мәдәнийитини вәйран қилиши, уйғур нопусини контрол қилишини қаттиқ тәнқидләп кәлгән. Болупму кеңәш палата әзаси марко рубийо билән кристифер симит «уйғур кишилик һоқуқ сиясити қануни» ниң оттуриға қоюлуши вә мақуллунишида һалқилиқ рол ойниған иди. CNN Ниң хәвәр қилишичә, хитай ташқи ишлар министирлиқиниң баянатчиаси хуа чүнйиң 13-июл ембарго қарарини елан қилип, американи «хитайниң ички ишлириға арилишишни тохтитишқа чақиридиғанлиқи» ни билдүргән. Униң тәкитлишчиһә, «шинҗаң мәсилиси хитайниң ички иши болуп, американиң буниңға арилишиш һоқуқи йоқ,» икән.

У өзлириниң «вәзийәт тәрәққиятиға қарап, техиму илгирилигән инкасларда болидиғанлиқи» ни билдүргән. Хитайниң қарари америка малийә министирлиқи өткән һәптә хитайниң уйғур дияридики чен чүәнгони өз ичигә алған 4 нәпәр әмәлдариға ембарго қойғанлиқини елан қилип арқидинла елан қилинди. Американиң имбаргосида бу кишиләрниң америкада мал-мүлүккә игә болуши, уларниң америкаға кириши вә американиң хәлқара пул-муамилә системисини ишлитиши чәкләнгән иди.

Пикирләр (0)
Share
Толуқ бәт