FBI Башлиқи хитайни америкаға келиватқан тәһдитниң мәркизи, дәп көрсәткән

Америка федератсийә тәкшүрүш идариси (FBI) ниң башлиқи кристофир врей (Christopher Wray) 9-апрел сәйшәнбә күни қилған сөзидә, хитайни американиң дөләт бихәтәрликигә тәһдит пәйда қиливатқан әң асаслиқ күч, дәп көрсәткән.

Киристофир врей шу күндики сөзидә, дөләтләр билән бағлинишлиқ болған тәһдит гуруппилириниң американиң хәвпсизлики вә униң муһим һалқилиқ ул әслиһәлиригә пәйда қиливатқан тәһдитиниң барғансери зорийиватқанлиқи вә мурәккәплишиватқанлиқини дегән.

 У мундақ дегән: “хитай бу тәһдитләрниң алдинқи сепи вә мәркизи, у бүгүнки дәвримиздики рошән тәһдиттур. Аддий қилип ейтқанда, хитай компартийәси пүткүл һакимийәт күчини дуняниң қанун билән идарә қилиниши, бихәтәрлики вә иқтисадиға бузғунчилиқ қилишқа атимақта” .

Киристофир врей шу күндики сөзидә йәнә, хитай пәйда қиливатқан тәһдитниң пәқәт тор һуҗумила әмәс, бәлки иқтисадий җасуслуқ, яман ғәрәзлик сиңип кириш, сайламға арилишиш вә дөләт һалқиған бастуруш икәнликини, буларға мас қәдәмдә әнәниви җасуслуқ усуллириниму қоллиниватқанлиқини, адәм күчи топлап америка карханилирини нишан қиливатқанлиқини, ички қисимдикиләрдин пайдилинип, йеңилиқларни вә санлиқ мәлуматларни оғрилаватқанлиқини билдүргән.

Мәлум болушичә, киристофир врей 11-април пәйшәнбә күни йәнә, америка дөләт мәҗлисидә америкаға келиватқан тәһдитләр һәққидә доклат беридикән.