Хитай археологлириниң лопнур көлидики йеңи байқиши гуман қозғимақта

Мухбиримиз қутлан
2014-11-10
Share


Җуңго уйғурчә радио ториниң хәвиригә қариғанда, 9 - ноябир күни хитай даирилири лопнор көли вадисида йеңи байқашниң оттуриға чиққанлиқини елан қилған.

Хәвәрдә хитай пән - тәтқиқат гурупписи лопнур көли вадисида 20 күнлүк тәкшүрүш елип берип алтә харабини байқиғанлиқи вә әйни чағдики кирорән қәдимий шәһиридә долқунлап еқиватқан дәряниң барлиқи һәққидә йеңи испатқа еришкәнлики илгири сүрүлгән.

Хитай даирилири гәрчә бу қетимлиқ илмий тәкшүрүшниң археологийә вә һава райи муһити бойичә елип берилғанлиқини илгири сүргән болсиму, лекин тәкшүрүш нәтиҗисидә лопнор көли вадисиниң таң сулалисидин илгирила хитай районлири билән қоюқ алақидә болғанлиқини көрситишкә тиришқан.

Диққәт қозғайдиған тәрипи шуки, даириләр бу қетим лопнор көли вадисида байқиған 6 харабиниң конкрет учурини бәрмигән. Пәқәтла қәдимки кирорән шәһириниң дәря болғанлиқи сәвәбидин қурулғанлиқини "йеңи байқаш" дәп көрсәткән.

Мәлумки, буниңдин 100 қанчә йиллар илгири қәдимки кирорән шәһири лопнорлуқ йол башлиғучи өрдәкниң байқиши, шиветсийәлик екиспедитсийәчи свен һединниң бекитиши билән дуня илим саһәсигә ашкара болған. 1930 - Йилларда свен һедин лопнор вадисиға қилған ахириқи тәкшүрүшидә лопнор көлиниң қумлуқтики көчмә көл икәнликини вә бу йәрдики қәдимий шәһәрләрниң дәря - еқинлирини асас қилип бина болғанлиқини оттуриға қойған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт