Хитайниң әң алий ахбарат оргини - “хәлқ тори” йеқинда уйғурчә үндидар қанили ачқан

Мухбиримиз қутлан
2015-04-13
Share

“хәлқ тори” ниң 13-апирилдики хәвиригә қариғанда, хитайдики әң юқири ахбарат оргини болған “хәлқ тори” йеқинда уйғурчә үндидар қанили ачқанлиқини елан қилған.

Мәлум болушичә, хитай һөкүмити тәстиқлиған мәзкур үндидар қанилида күндилик сиясий, иҗтимаий вә мәдәнийәт хәвәрлири уйғур тилида тарқитилидикән.

Хитайда фейсбук, твиттер қатарлиқ хәлқаралиқ иҗтимаий таратқуларни ишлитиш чәкләнгән болғачқа, йеқинқи йиллардин буян хитай һөкүмәт тәрәп авам пуқраларниң “үндидар” ни ишлитишини тәшәббус қилған. Буниң билән үндидарниң хитайдики қоллинилиш нисбити шиддәт билән юқири көтүрүлгән.

Һалбуки, йеқинқи йиллардин буян уйғур елида көплигән уйғурлар үндидарда аталмиш “диний ашқунлуқ” вә “миллий бөлгүнчилик” кә даир учурларни көргән дегән сәвәб билән тутқун қилинған.

Көзәткүчиләр, “хәлқ тори” да уйғурчә үндидар қанилиниң ечилиши уйғур җамаәтчиликини миллий вә диний мәзмундики учурларни әмәс, бәлки хитай һөкүмәт тәрәп тарқатқан сиясий тәшвиқатларни көрүшкә үндәштин башқа нәрсә әмәс, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт