Xitay hökümiti ijtima'iy taratqularda irqiy qirghinchiliqni inkar qilish teshwiqatini dawamliq élip barmaqtiken

Xitay hökümiti “Shinjang mesilisi”, bolupmu irqiy qirghinchiliq toghrisidiki axbarat jéngide, ijtima'iy taratqularda üstünlük qazinishqa urunup kelmekte iken.

“Yéngi ereb” ((The New Arab torining 8-noyabir küni élan qilghan maqaliside, xitayning tik-tok, yutub, tiwittér qatarliq ijtima'iy alaqe torlirida melum tesirge ige shexslerni tallap, öz teshwiqatigha séliwatqanliqi hemde saxta uchur tarqitishta xélila üstünlük qaziniwatqanliqi körsitilgen.

Maqalide misal élin'ghan “Shinjang guli”(Alice) dégen Uyghur qiz 20 yashliq aliy mektep oqughuchisi bolup, mexsus yutub qanili échip,  gherb ellirining Uyghurlargha yürgüzülüwatqan irqiy qirghinchiliq jinayitini eyblishige ghezeblen'genlikini bildürgen hemde amérikaning sabiq tashqiy ishlar minsitiri mayk pompéyoni mesxire qilghan. Uning yutubta 53 ming egeshküchisi bar iken.

Buninggha oxshighan qizlar xéli köp bolup, xitaychini yaxshi sözleydiken, moda qoghlishidiken, haraq-sharap ichidiken. Bu arqiliq ular Uyghurlarning “Dindin xaliy, bextlik” turmushta yashawatqanliqini teshwiq qilidiken.

Maqalide körsitilishiche, daniyelik tetqiqatchilar xitayning teshwiqati üchün ishlen'gen shu xil mezmundiki widiyolardin  2672 widiyoni toplighan. Xitay hökümiti yene “Xelq géziti”, “Yer shari waqit géziti”, “Xitay xelq'ara téliwiziye tori” qatarliq taratqulirida atalmish “Qayta terbiyelesh merkizi”de terbiyelinip chiqqanlarning “Ülgilik ish-izliri”ni alahide teshwiq qilghan.