Yang jyenli: "Xitayning b d t xewpsizlik kéngishige eza bolushigha qarshi turayli!"

Muxbirimiz eziz
2017-10-31
Élxet
Pikir
Share
Print

Nöwette "Puqralar küchi" teshkilatining re'islikini ötewatqan xitay öktichi ziyaliysi yang jyenli amérikidiki eng chong gézitlerdin "Washin'gton pochtisi" da maqale élan qilip, dunyadiki démokratik döletlerni xitayning birleshken döletler teshkilati (b d t ) xewpsizlik kéngishige eza bolushtin tosushqa chaqirdi.

Yang jyenli maqaliside xelqning saylishidin ötmigen, shundaqla xitay xelqige wekillik qilalmaydighan bir hökümetning xelq'arada xitay xelqining iradisige wekillik qilishqa urunup kelgenlikini tekitligen.

U bu heqte toxtilip "Dunyadiki köpligen döletler xitayning iqtisadiy qudritidin eyminip, insan heqliri mesiliside xitaygha bésim qilalmaywatidu. Emma bu döletler b d t da mürini mürige tirep xitaydiki insan heqliri xatirisige qarshi tursa bolidu" dep körsitidu. Uning pikriche, bu xil usul bu döletlerni "Xitayning ichki ishigha arilashti" dégen betnamdin néri qilalaydiken.

Maqalida körsitilishiche, b d t ning belgilimiside xewpsizlik kéngishige eza döletler jezmen "Insan heqlirini qoghdashta ülgilik rol oynighan" döletler bolushi lazim iken. Emma xitaydiki sansizlighan insan heqliri depsendichiliki, jümlidin Uyghurlar we tibetler duch kéliwatqan külpetler, Uyghur ziyaliy ilham toxtining qamaqqa höküm qilinishi qatarliq ehwallar xitayning insan heqlirini qaysi derijide ayaq asti qiliwatqanliqini körsitip béridighan roshen ispatlar iken. Shunga u dunyadiki démokratik döletlerni b d t ning xewpsizlik kéngishi saylimida xitaygha bélet tashlimasliq, shu arqiliq xitayni qayta sayliniwélishtin tosushqa chaqirghan.

Toluq bet