Sofi richardson: “Xitayning b d t kishilik hoquq kéngishige eza bolushi bekmu külkilik! ”

Washin'gtondin muxbirimiz eziz teyyarlidi
2023.09.26

2023-Yili birleshken döletler teshkilati (b d t) kishilik hoquq kéngishi (HRC) ge xitay hökümitining eza bolup saylinishi toghrisidiki xewerler otturigha chiqqandin kéyin her sahening küchlük naraziliqini qozghidi.

 “Kishilik hoquqni közitish teshkilati” xitay bölümining diréktori sofi richardson xanim 26-séntebir küni X (yeni burunqi tiwéttér) da uchur yollap bu halni keskin tenqidlidi. Uning uchurida mundaq qurlar közge chéliqidu: “Beziler xitay hökümitining b d t kishilik hoquq kéngishige eza bolup saylinishi alliqachan muqimliship bolghan ish, dep qaraydu. Emeliyette buninggha saylanmaqchi bolghan namzatlar az dégendimu saylam bélitining 50 pirsentini qolgha keltürüshi kérek. Insaniyetke qarshi jinayetlerni sadir qiliwatqan bundaq bir namzatqa héchqandaq dölet bélet tashlimasliqi kérek”.

Kishilik hoquq kéngishige eza bolushni yene bir qétim teme qiliwatqan xitay hökümiti téxi yéqindila Uyghurlar we xongkong teshkilatlirining kishilik hoquq heqqidiki muhakime yighinlirini tosushqa we uni chekleshke urunup, herqaysi axbarat wasitiliride keskin tenqidlerge uchrighanidi. Bolupmu ularning Uyghur qirghinchiliqi tüpeylidin kishilik hoquq sahesidiki depsendichilikni qaysi derijige élip barghanliqi pütün dunyagha melum bolghanidi. Emma xitayning iqtisadiy menpe'etni yemchük qilish arqiliq dunya jama'itini özige béqindurup kétishi yéqindin buyan köplep otturigha chiqqanliqtin, bu hal “Pul bilen exlaqning diplomatiye sahesidiki kürishi” dep atiliwatqanliqi melum.

Xewerlerde körsitilishiche, 2023-yilliq saylam béliti tashlash 10-öktebirde ötküzülidighan bolup, xitay hökümiti nöwette bu qétimliq saylamda utup chiqish üchün pa'al heriketlerde bolmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.