Xitay 1 - ayda 2000 din artuq kadirigha “Intizamgha xilapliq qilish” jazasi bérilgenlikini élan qildi
2015.02.24
Xitayning jonggu xewerler torining 24 - féwraldiki xewiridin melum bolushiche, 2015 - yil 1 - ay ichide “8 Maddiliq kadirlar intizami” gha xilapliq qilmishlardin pütün memliket boyiche 1650 mesile bayqalghan, 2133 neper hökümet kadirigha chare körülgen.
Xewerde déyilishiche, 2015 - yildin bashlap, merkizi hökümet belgiligen “8 Maddiliq kadirlar intizami” gha xilapliq qilip jazalan'ghanlar sani istatistika qilinip, her ayning axiri torda ashkare élan qilish yolgha qoyulidiken. Xewrde yene “8 Maddiliq kadirlar intizami”gha izahat bérilip, “Bu merkizi hökümetning hökümet kadirlirida barghanche ewj éliwatqan chiriklik qilmishini tosush üchün yolgha qoyulghan yéngi tedbir” déyilgen.
Yéqinqi yillarda xitayda barghanche ewj alghan parixorluq - chiriklik qilmishi puqralarni narazi qilip, xitay merkizi hökümitining béshini aghritidighan mesililerning birige aylan'ghan. 2013 - Yil yil axiri dölet re'isi shi jinping hökümet kadirliridiki parixorluq - chiriklik qilmishlirigha qattiq zerbe bérilidighanliqini jakarlighan idi.
Melum bolushiche, bultur bir yil ichide xitayda yuqirisi ölke derijiliktin töwini yéza kadirlirighiche texminen 200 mingdin artuq hökümet kadiri jazagha uchrighan. Bularning ichide ölke derijiliktin yuqiri emeldarlarningla 60 tin ashidighanliqi élan qilin'ghan idi.