"Xitay dégital dewri" torida "Milletler inaqliq marshi" tenqid qilindi

Muxbirimiz erkin
2018-01-12
Share

Xitay da'irilirining Uyghur aptonom rayonida keng kölemde tarqitilip, puqralargha mejburiy anglitiliwatqan "Milletler inaqliq marshi: junggoluqlar xitabnamisi" namliq naxsha tenqidige uchridi.

Amérikida tarqitilidighan "Xitay digital dewri" namliq tor békiti jüme küni bu naxshining tékistini in'glizchigha terjime qilip élan qildi. Naxsha tékistini bu tor betning uzun mezgil ürümchide turghan yazghuchisi elisiye terjime qilghan.

Elisiye mezkur balilar naxshining terjimisige yazghan kirish sözide bu teshwiqat naxshisining ürümchidiki dukan, bazar, mektep, ammiwi sorunlarda yuqiri awazliq kanay bilen her küni tekrar-tekrar qoyulidighanliqini bildürüp, bu Uyghur rayonining hazirqi éghir siyasiy muhitini namayan qilip béridighan tipik körünüsh ikenlikini bildürgen. Elisiye yene bu naxshida sherq medeniyiti we xitay milliy rohigha medhiye oqulghan bolsimu, biraq sherq medeniyiti Uyghur türk musulmanlirining, qazaq, tajik, mongghul we rayondiki bashqa yerlik milletlerning neziride xitay ezgüchilerni körsitidighanliqini tekitligen.

"Xitay dégital tori" ning xewiride, xitay da'irilirining 2014‏-yilidin béri Uyghur rayonida "Térrorluqqa qattiq zerbe bérish herikiti" bashlighanliqini, biraq xitayning bu herikiti kishilik hoquq teshkilatliri teripidin "Uyghurlarni nishan qilghan bu heriket milliy munasiwetni téximu keskinleshtüridu," dep tenqid qilin'ghanliqini bildürgen.

Mezkur tor bétining qeyt qilishiche, xitayning rayondiki "Térrorluqqa qarshi turush herikiti" qattiq bixeterlik tedbirliri we bi'ologiyelik uchur yighishni öz ichige alghan nazuk téxnikilarni keng kölemlik qollinishtek alahidilikler bilen xaraktirlinidiken. Xewerde yene xitayning rayonda rozi tutushni cheklishi, hijab, saqal we balilargha diniy isimlarni qoyushni men'i qilishi, atalmish "Esebiy qiliq we qiyapetler" ge qarshi keng kölemlik tedbirlerni élishidek bir qatar siyasetlirining nishanliq halda Uyghurlargha qaritilghanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet