Chet'ellerdiki xitay démokratik jem'iyetliri xu yawbangni xatirilidi

20 - Noyabir küni amérikining nyuyork shehiride chet'ellerdiki bir qisim xitay démokratik ammiwi teshkilatliri wekilliri jem bolup, xitay kompartiyesining 80 - yillardiki rehbiri xu yawbang tughulghanliqining 100 yilliqini xatirilep, mexsus muhakime yighini ötküzgen.

Bu qétimqi muhakime yighinini "Xu yawbang we jaw ziyangni xatirilesh fondi jem'iyiti" dep atalghan bir orun teshkilligen bolup, buni yene "Béyjing bahari"jurnili tehrirati, "Xitay démokratik pariyesi komitéti","Nyuyork munbiri" qatarliq orunlar qollighan.

Amérika awazining xewer qilishiche, xitay démokratik öktichilirining niyorkta ötküzülgen muhakime yighinda yuqirida nami qeyt qilin'ghan jem'iyetlerning wekilliridin bashqa yene chet'elde yashaydighan bir qisim tonulghan xitay siyasiy weziyet mutexxesisliridin xu ping, wang jüntaw we bashqilarmu pikir bayan qilghan.

Niyorokta ötküzülgen yighinning asasliq muhakime témisi xu yawbangning eyni waqitta hoquqtin chüshürülüsh sewebliri we uning 1989 - yilidiki béyjing tyen'enmén oqughuchilar herikiti bilen bolghan munasiwiti, xu yawbangning siyasiy islahatchiliq qarishi we pozitsiyesi, shuningdek yene hazirqi xitay kompartiyesi rehbiri shi jinpingning tutqan yoli we kelgüsi siyasiy yönilishliri qatarliq türlük mesililerge qaritilghan.

Mutexessisler xu yawbangning xitay kompartiyesi rehberliri ichide islahatchiliq xahishi küchlükrek, jümlidin az sanliq milletlerge, bolupmu tibet we Uyghur rayonigha qaritilghan siyasettimu islahat élip bérish pikirini otturigha chiqarghan shexs ikenlikini körsitidu.

Shinxu'a agéntliqining xewer qilishiche,20 - noyabir küni, xitay kompartiyesi merkizi komitétimu béyjingdiki xelq sariyida xu yawbang tughulghanliqining 100 yilliqini xatirilesh söhbet yighini achqan bolup, yighinda xitay dölet re'isi shi jinping söz qilip, xu yawbangning hayatigha yuqiri baha bérip,uning "Inqilab, qurulush we islahatqa zor töhpe qoshqanliqi"ni tekitligen.

Yighin'gha siyasiy biyoroning da'imiy hey'et ezaliri ishtirak qilghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar