Хитай деңиз қоғдаш әтрити сенкакуға йеқинлашқан

Мухбиримиз җүмә
2013.07.24

Японийә даирилириниң билдүрүшичә, хитайниң йеңи типтики деңиз қоғдаш әтрити кемилири японийә-хитай арисида талаш-тартиш қилиниватқан деңиз тәвәликигә йеқинлашқан. Бу, шу хилдики хитай кемилириниң мәзкур районда тунҗи қетим байқилиш икән.

Японийә деңиз қоғдаш әтритиниң ейтишичә, бу қетим японийә башқурушидики сенкаку арилиға йеқинлашқан хитай кемилири 4 кә йетидикән.

Хитайниң йеңи деңиз қоғдаш әтрити дүшәнбә күни белиқчилиқ, деңиз тәкшүрүш, деңиз таможниси қатарлиқ орунларниң қошулуши билән қайта тәшкиллигән вә вәзипә тапшурулувалған иди.

Йеңи тәшкиллигән деңиз қоғдаш әтритигә йеник типтики топ вә еғир типтики пилимотлар билән қоралланған парахотлар сәпләп берилгән.

Японийә тәрәпниң билдүрүшичә, хитайниң бу кемилири өткән 8 күндин буян сенкаку тәвәликидә көзгә челиқишқа башлиған.

Японийә тәрәпниң буниңға қандақ инкас қайтурғанлиқи мәлум әмәс.

Өткән йили токйо шәһири сенкаку арилини шәхсийләрниң қолидин сетивалғандин кейин, японийә-хитай мунасивәтлири техиму җиддийләшкән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.