2018‏-Yili Uyghurlarning xitay dölet shé'iri seweblik türmige tashlinish xewpi chongayghan

Muxbirimiz shöhret hoshur
2018-02-07
Élxet
Pikir
Share
Print

Bügün Uyghur élidiki bir adwokatlar tor bétide "12 Xil ishni qilghanlarning türmige tashlinidighanliqi" heqqide bir agahlandurush yazmisi élan qilindi.

Mezkur yazmida namuwapiq erz-shikayet qilishtin tartip dölet shé'irini özgertip oqushqiche bolghan bir qatar atalmish "Jinayetler" sanap ötülgen. Yazmida tilgha élin'ghan jinayetlerning héchbirining éniq bir ölchimi sherhlenmigen.

Muhajirettiki Uyghur közetküchiler, mezkur yazmida tilgha élin'ghan "Jinayet" ölchemliridiki bu éniqsizliqqa asasen, Uyghurlarning 2018‏-yilida xitay dölet shé'iri seweblik türmige kirish éhtimalliqining yenimu chongiyidighanliqini ilgiri sürmekte.

Közetküchilerning qarishiche, xitayche shé'iriy tilni chüshinishning asan emesliki, bolupmu yat tilda, yeni xitayche yadlashning qéyinliqi seweblik yézilardiki Uyghurlarning xitay dölet shé'irini eynen yadlap bérelishi tolimu qéyin bir ish iken. Bu ötkel yézilarda adem jazalashta san tolduralmaywatqan yerlik emeldarlar we xadimlar üchün yaxshi bir wezipe orundash pursiti bolup qélishi mumkin iken.

Adwokatlar toridiki mezkur yazmida déyilishiche, xitay dölet shé'irini özgertip oqughanlargha 3 yildin töwen muddetlik qamaq jazasi bérilidiken. Norwégiyede yashawatqan siyasiy közetküchi zumret xanim bu heqte pikir bayan qilip, 28‏-yanwar küni yekende yüz bergen ésilip ölüwélish weqesini, "2018‏-Yili Uyghurlar duch kelgen yéngi bir xewpning ishariti we ispati, " dep körsetti. Mezkur weqede üch perzentning atisi bolghan tursun ablet xitay dölet shé'irini yadlashta qiynalghanliqi we tehditke uchrighanliqi üchün ésilip ölüwalghan idi.

Toluq bet