Көзәткүчиләр: «хитай доминика җумһурийитини 3 милярд долларға сетивалған»

Мухбиримиз әркин
2018-05-01
Share

Тәйвән хитайниң доминика җумһурийитигә пара берип, униң тәйвән билән болған дипломатик мунасивитини үздүргәнликини илгири сүрди. Ройтерс агентлиқиниң хәвәр қилишичә, тәйвән ташқи ишлар министири ву чичоң хитайниң доминика җумһурийитигә тәйвән билән дипломатик мунасивитини үзсә, униңға 3 милярд 100 милйон доллар мәбләғ селиш вә қәрз беришкә вәдә қилғанлиқини билдүргән. Доминика җумһурийити сәйшәнбә күни тәйвән билән болған узун йиллиқ дипломатик мунасивитини үзүп, хитай билән дипломатик мунасивәт орнатқанлиқини җакарлиған иди. Ву чичоң сәйшәнбә күни хитайниң доллар дипломатийәсини ишқа селип, тәйвәнниң дипломатик мунасивитигә бузғунчилиқ қилғанлиқини билдүргән. У, «тәйвән хитайниң доллар дипломатийәсини ишқа селип, тәйвәнниң дипломатик иттипақдашлирини униңдин йүз өрүгүзүштәк тәрбийәсиз қарарини қаттиқ тәнқид қилиду» дегән.

Ройтерсниң хәвиридә көрситишичә, хитай таш йол қурулушиға 400 милйон доллар, ул әслиһәләр қурулушиға вә бир газ електр истансисиға 300 милйон доллар қәрз пул беришкә вәдә бәргән. Лекин йеқинда хәлқара пул-муамилә саһәсидики бәзи нопузлуқ әрбаблар бу дөләтләрниң қәрз қайтуруш иқтидари йоқлуқини агаһландуруп, уларниң игилик һоқуқидин айрилип қелиши мумкинликини тәкитлигән иди.

Тәйвәнниң оттура америка вә тинч окяндики белиз, навру қатарлиқ дөләт билән дипломатик мунасивити бар болуп, хитай бу дөләтләрни қәрз пул бериш, мәбләғ селиш дегәндәк вәдиләр билән өзигә тартип кәлгән. Тәйвән ташқи ишлар министири ву чичоң сәйшәнбә күни йәнә доминика җумһурийитиниң президенти данило мәдинани тәнқидләп, уни «хитайниң мәбләғ селиш, ярдәм бериш һәққидики сахта вәдисигә ишинип кетиш» билән әйиблигән. Ройтерс агентлиқиниң билдүрүшичә, хитай ташқи ишлар министирлиқи хитайниң доминика җумһурийитигә иқтисади вәдә бәргәнликини рәт қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.