Jama'et xewpsizlik nazaritining mu'awini shi xüyning xiyaniti 100 milyon somdin ashqan

Muxbirimiz irade
2017-03-23
Share

2015-Yili "Intizamgha éghir xilapliq qilish" gumani bilen wezipisidin toxtitip qoyulghan Uyghur aptonom rayonluq jama'et xewpsizlik nazaritining sabiq mu'awin naziri shé xüyning qanunsiz yollar arqiliq tapqan puli yüz milyondin oshuqluqi melum bolghan.

Bügün, junggo xewerler tori qatarliq tor betler xewer tarqitip, shé xüyning Uyghur élidiki jama'et xewpsizlik nazariti mu'awini, aptonom rayonluq emgek bilen özgertish idarisi we türme bashqurush idarisi qatarliq organlarda partkom sékrétari we idare bashliqi bolghan mezgillerde hoquqini suyi'istémal qilip, qurulush höddige bérish ishlirigha ariliship payda élish, bashqilardin zor miqdarda para élish, sowghat qobul qilish arqiliq qanunsiz mal-dunya yighqanliqini bildürgen.

Xewerdin qarighanda, shé xüyning bolupmu türme bashqurush idariside ishligen mezgili uning parixorluq qilishigha eng qulay shara'it yaritilghan bir mezgil bolghan bolup, xitay metbu'atliri uning qilmishi we yighqan 100 milyon som pulining miqdarigha qarap turup, uning intizamgha xilap heriketliri "Kishini chöchütidighan" derijide éghir, dep bahalighan.

Uyghur éli xitay emeldarlirining parixorluq qilmishi eng éghir jaylarning biri, dep qarilip kelgen. Chet'ellerdiki Uyghur közetküchiler shi xüyning délosini buning yene bir ispati, dep körsitish bilen birge, buni xitay hökümitining Uyghur élidiki muqimliqni saqlash bash nishan qilin'ghan siyasitining netijisi, dep qarimaqta.

Shé xüy 2015-yili 7-ayda wezipisidin toxtitilip tekshürüshke élin'ghandin kéyin 2016-yili 1-ayda resmiy qolgha élin'ghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet